قبل خضوعه لـ عملية جراحية.. تامر فرج يكشف تفاصيل حالته الصحية
كشف الغنان تامر فرج ،تفاصيل حالته الصحية، بعد تعرضها لوعكة صحية نقل من خلالها الى المستشفى ، والمقرر ان يخضع لعملية إزالة المراره .
وكتب تامر فرج عبر صفحته الشخصية على الفيسبوك قائلا : "مبحبش صور المستشفيات او انى انشر حاجه عن حالتى الصحيه بس حابب اشكر كل الناس الجميله اللى قلقت عليا و اشكر الصحفيين اللى اتصلوا يسألوا عنى.
وأضاف تامر فرج: حابب أطمن الجميع إن شاءالله حاجه بسيطه انا كنت محتاج اعمل عملية المراره من قبل العيد لكن للأسف كنت بستهون و بأجل لغاية لما اخلص الشغل، ولغاية ما يجيلى فلوس ،بس للأسف حصل مضاعفات بسبب التأخير وهضطر استنى غصب عنى حوالى اسبوعين اعالج اللى حصل وبعدين ان شاءالله اعمل عملية إزالة المراره وهى عملية بسيطه ان شاءالله .
وجه تامر فرج الشكر قائلا : "اشكركم جدا على اهتمامكم و آسف على قلقكم و اطمع فى دعواتكم ".
