نهى العمروسي عن ديانتها: أنا مسلمة وما بحبش التقسيم
أثارت الفنانة نهى العمروسي الجدل خلال الساعات الساعات الماضية، وذلك بعد تصريحاتها عن الحجاب.
وتحدثت نهى العمروسي عن الأديان قائلة: "أنا مابحبش التقسيم، أنا اتولدت مُسلمة كلنا بنتولد على دين أبهاتنا، لكن أنا مش عايزة أحس إني أحسن من المسيحي أو اليهودي أو البوذي أو الهندوسي، فكرة التقسيم دي بتعمل مشاكل بين الناس، اللي هو أنا أحسن منك، أنت دينك أي كلام، أنا بحب الوحدانية، يعني كلنا زي بعض ومش بحب التقسيم".
وأضافت نهى العمروسي: "إحنا كلنا واحد، أتسائلت قبل كده أنا مُسلمة ولا مش مُسلمة، جاوبت: أنا مسَلّمة يعني مُسلمة".
وكشفت نهى العمروسي خلال تصريحات تليفزيونية عن رأيها في الحجاب قائلة إنها لا تراه فرضًا ولن ترتديه في يوم من الأيام.
واختتمت نهى العمروسي: "الحجاب أجندة، الحجاب مش فرض، أديني آية بتقول إنه فرض، إيه اللي بيقول أن الشعر عورة؟، ومتكلمنيش في الدين وأنا مش متخصصة ممكن أقول حاجة غلط، يا جماعة ممكن أغلط لكن دي قناعاتي ولا عمري هتحجب لأني مش مقتنعة بيه خالص".
