ابنة سعيد صالح ترد على تصريحات آمال رمزي

حرصت هند ابنة الفنان الراحل سعيد صالح على الرد على تصريحات الفنانة آمال رمزي عن والدها وذلك خلال استضافتها ببرنامج تفاصيل.

نشرت هند سعيد صالح عبر حسابها الشخصي بموقع فيسبوك منشوراً قالت فيه: يا مدام آمال .. كلام حضرتك عن بابا وبطريقة غير مباشرة عن أمي ما بيعكسش غير طريقة تفكير ونمط أخلاقي بيقيس بالممتلكات .. مين عنده كام ومين اشترى ايه ومين ابن مين .. ما شاء الله ولا قوة إلا بالله ربنا يبارك له فيما رزق.

تابعت: أنا بحمد ربنا إني بنت راجل محبوب من جمهور أغلبه ماشافوهوش وجهاً لوجه ولا حتى عاصروه .. وكل إللي بينهم وبينه ضحكة رسمها على وشوشهم في يوم من الأيام .. الجمهور ده ردها لبابا في ردهم على حضرتك .. بشكرهم من كل قلبي وإن شاء الله يكون ربنا سخرهم للدعاء لبابا .. هم ردوا غيبة متوفي قبل ما يردوا غيبة فنان بيحبوه .. بس أنا لسه ماردتش.