تعرف على تفاصيل حفل محمد منير بمهرجان العلمين

حل النجم محمد منير ضيفًا على شاشة قناة اكسترا نيوز وذلك على هامش حفله الغنائي المرتقب والمقرر إقامته اليوم الجمعة ضمن فعاليات النسخة الثانية لمهرجان العلمين الجديدة.

وصرح محمد منير قائلاً: أنا معنديش جديد في استعداداتي لكن أنا بعرف عنوان وشكل الحفلة بشكل عام .. وأنا لما ببص لعيون الناس بعرف هم عايزين أغنية ايه .. وأنا طبعًا سعيد أني هشارك بكرة إن شاء الله مع شباب مصر، وشباب مصر في الوقت الحالي والظروف اللي احنا فيها محتاج لقليل من البهجة ومزيد من التفاؤل وهمي الأول والأخير ان احنا نحس جميعًا من اكبر واحد في مصر لأصغر طفل ان احنا سعيدين بالحفلات اللي بتجرى .. لأن مصر محتاجة فرحة والغناء أسهل طرق للفرحة.

أضاف: من يوم إعلاني أني بغني وأنا وطني مصري غير مشكوك في أمره بدليل أن كل أطراف الشعب المصري مشتركة في حفل بكرة سعيد بيهم .. ومش هقولهم أهلا وسهلا الجملة دي تتقال لواحد ضيف لكن كل من يحمل الجنسية المصرية والغناء احتفال لمصر كلها ودعوة اكيدة ان مصر بكرة تسعد وتفرح وتغني معاه.