نجوم الفن والجمهور يدعمون كندة علوش بعد إصابتها بالسرطان
الحلقة تحقق مليون مشاهدة في أقل من 24 ساعة علي اليويتوب.. وملايين المشاهدات علي "الفيسبوك"
سيناريو شيرين عبد الوهاب لم ينته... ومتابعوها يعلقون "مصممة تقضي علي نفسها"!!
تعاطف شعبي كبير تلقته الفنانة كنده علوش بعد إعلانها عن إصابتها بسرطان الثدي. ورحلة علاجها التي بدأت منذ عام تقريبا. ودور زوجها النجم عمرو يوسف في دعمها.
تصدرت كنده السوشيال ميديا بعدما كشفت عن تفاصيل المرض. تعرضها للتنمر بسبب إحدي الصور التي ظهرت فيها بوزن زائد أثناء العلاج. إذ تخطت عدد مشاهدات الحلقة المليون مشاهدة علي اليوتيوب في ساعات ومقاطع الفيسبوك 5 ملايين مشاهدة.
قالت كندة علوش في برنامج جديد مع الإعلامية مني الشاذلي: "عمرو يوسف كان داعماً كبيراً لي فترة مرضي. هو أصلا شخص إيجابي جدا. وهو بشكل عام مابيستسلمش للحزن. ومابيسبش نفسه للخوف والقلق والحزن. وكان ماسك بإيدي كل ما يشوفني هقرب يرجعني عشان ما أروحش في السكة دي".
وتابعت: عمرو كان معايا في كل رحلات العلاج والجلسات وفي كل حاجة. وفي الكلام لما نيجي نتكلم. هو كان عايزني ابقي سعيدة. هو كان بيخفف عني نتفرج علي فيلم دمه خفيف. ولما يشوفني محتاجة اتكلم يسمعني. بس مايسبنيش استغرق في حالات الخوف أو الحزن".
وعن انتشار فيديو لها وهي تستند في أحضان زوجها علي السجادة الحمراء في مهرجان فينيسيا. قالت: كان قبل اكتشافي المرض. كنت رايحة المهرجان تعبانة من الولادة. كنت لسه والدة كريم بكم شهر. ورايحة لسه بالوزن الزائد من الولادة والتعب وتجربتي الصعبة. ومكنتش عايزة اسافر. بس كان فيلم "نزوح" اللي بحبه جدا. كان لنا الحظ أنه معروض فيه وهو مهرجان كبير. وقولت مش هسافر. وعمرو قال لي "أنتِ هبلة". قولت له "هسيب ابني ازاي". قال لي "لا هتروحي وهروح معك. ويومين بالضبط وهتشوفي ازاي السفرية دي هتفرق معاكِ".
أما عن الانتقادات عن وزنها الزائد. قالت كندة علوش: كنا في المصيف واتصورت عادي في عز مرحلة العلاج الكيماوي. اللي هو الواحد متنفخ وبشرته تعبانة وشعره خف. وكل الأعراض. الفترة دي كنت بحاول ماتصورش واتصورت. ولما نزلت الصورة وفيه مواقع وأاشخاص للأسف "شاهد كندة علوش بعد اكتسابها الوزن". والتعليقات كانت هي أوحشت ليه وأهملت نفسها ليه. كان في تنمر حقيقي وكلام قاسي ومش لطيف. وفيه ناس لما الصورة انتشرت قالوا لي أحط الصورة وأقول أنا عندي كذا. قولت لهم لا أنا مش هخلي ناس بتتكلم بشكل وحش مش هخليهم يغيروا مسار حياتي ويهزوا ثقتي في نفسي وأغير رأيي. ومكنتش مبسوطة واتضايقت وأنا أصلا مكنتش مبسوطة بشكلي. ولسه عايزة اخس.
حرص عدد كبير من الجمهور والفنانين علي دعمها. وتقديم الدعوات لها ولأسرتها. منهم مني زكي. قصي حولي. درة. مي كساب. هدي المفتي. صفاء سلطان. كارمن لبس...غيرهم.
استمرار لسيناريو الفنانة شيرين عبد الوهاب وأزمة التسريبات الصوتية لطليقها الفنان حسام حبيب التي يتحدث فيها عن شقيقها محمد عبد الوهاب.
حرصت شيرين علي الرد عبر رسالة صوتية في برنامج "الحكاية" مع الإعلامي عمرو أديب. قالت فيها شيرين: "فوجئت باللي حصل علي السوشيال ميديا بين محمد عبد الوهاب وحسام حبيب.
وحبيت أكد أن كلام حسام مضبوط جدا. وأخويا فعلا باعني. والتصريح اللي نزل دا نزل من محامي محمد شاعر المستولي علي السوشيال ميديا بتاعتي. وبالتوكيل أنا كنت عاملة له قديم. مضي له ورقة أو عقد تملكه من حساباتي. وموقعين بتاريخ قديم. كل كلام حسام حبيب مضبوط. وماتصدقوش أي حاجة من كلام محمد عبد الوهاب.
وأضافت: أنا مابحبش اتكلم عن مشاكلي الشخصية دلوقتي. عشان ماشغلش حد. والناس ماتقعدش تقول احنا ماورناش غير شيرين ومشاكل شيرين. لكن لازم تفهموا أن في أغاني حلوة جدا جدا. توما عاملها وعزيز الشافعي ومدين. وفي حاجات بتخلص من التصريحات عشان المشاكل مع الشركة المنتجة. في حد بشخصه قاصد يقعدني في البيت. بنخلص الحاجات دي والأغاني هتنزل وهتعجبكوا جدا. وبإذن الله الأغاني هتعجبكم.
وعن ظهور حسام حبيب من جديد للحديث عن حياتها رغم طلاقهما وإعلانها خطوبتها من شخص آخر. قالت: مشكور أن هو بيرد بالنيابة عن أهلي. وهو اللي بيقول الحقيقة مش أهلي. وبرغم أن القضاء المصري حكم بانتهاء عقدي مع روتانا. هم لسه رافعين قضايا علي. وموقفين الدنيا كلها. لكني واثقة في نزاهة وقضاء بلدي.
لن تحظي شيرين هذه المرة بتعاطف أو تأييد من الجمهور. بل كانت جميعها تهاجمها. حيث جاءت التعليقات: "والله العظيم بني ادمه ماتستاهل كل وجع الدماغ ده". "اي جمهور !!! مبقاش ليكي جمهور خلاص". "يا خسارتك". "مفيش فايده فيها مصممه تقضي علي نفسها خساره بجد"... غيرها.
