المخرج محمد سامي: " أنا مبتعاطفش مع الممثلين إطلاقًا"
كشف المخرج محمد سامي، تفاصيل وكواليس مشهد الدفن بمسلسل "نعمة الأفوكاتو"، بطولة زوجته الفنانة مي عمر، مؤكدًا أنها تأثرت نفسيًا بسبب هذا المشهد.
وقال محمد سامي، خلال لقائه مع الإعلامي عمرو أديب، في برنامجه الحكاية،: التربة كانت حقيقية ولكن مكنش فيها أموات، ومي كانت كل شوية تعيط ومش عايزة تصور وإحنا الشمس كانت قربت تطلع علينا، وحطينا جثتين مش حقيقيتين علشان التصوير، وعلى الرغم من أني أنا اللي طالبهم ولكن لما شوفتهم اتقبضت.
وأضاف محمد سامي: مي في العربية قالتلي هو أنت ليه مراعتش مشاعري؟، هو أنا عمري اتدلعت في الشغل؟ أنت لازم تراعي الممثل أكتر، الممثل مش كرسي ده بني آدم ولازم تأهله.
وأكمل محمد سامي: أنا مبتعاطفش مع الممثلين إطلاقًا، دول واخدين فلوس وده شغلهم ومحجوزين فترة علشان أخلص بيهم شغلي، اسمه أوردر مش طلب.
