كهربا: الزمالك له فضل عليا والأهلي كان طموحي الأكبر واللي فات مات
علق لاعب النادي الأهلي محمود كهربا، على فكرة انتقاله من الزمالك للنادي الأهلي، قائلًا: حققت مع الزمالك بطولات، لكن كان عندي طموحات أكبر من كده، ومن صغري وأنا أهلاوي، وبحضر في المدرجات مع الأولتراس، وكنت بعيط ساعات، وما حستش إني أكبر من الزمالك، وطموحي في الزمالك كان هيبقى صعب.
وقال محمود كهربا، خلال تصريحات تلفزيونية: الزمالك له فضل عليا، لكن الأهلي كان طموحي الأكبر، وأنا اثق في نفسي وقدراتي، لكن مش مغرور، ولما لعبت في البرتغال كان نادي صغير ومكنش هيقدمني، وجمهور الزمالك أحب أقولهم أنا ولا أذيتكم ولا شتمت، وده اللي اتربيت عليه، واللي بيغلط فيا ربنا يسامحوا، وأنا اتحاربت كتير، وأي حد في مكاني كان عمل أكتر من كده، لكن اللي فات مات.
