هنا الزاهد تكشف كواليس أول لقاء مع أحمد فهمي بعد الطلاق

كشفت النجمة هنا الزاهد عن تفاصيل أول لقاء بينها وبين زوجها السابق أحمد فهمي في حفل صناع الترفيه Joy Awards 2024 الذي أُقيم مؤخراً في العاصمة الرياض بالمملكة العربية السعودية بحضور عدد كبير من نجوم الفن في العالم.

حلت هنا الزاهد ضيفة على برنامج كلاكيت مع المذيعة لينة الطهطاوي وبسؤالها عن طريقة تعاملها مع طليقها أحمد فهمي عقب الانفصال ردت قائلة: أنا اتصدمت من السؤال ده .. بس هي الحياة مش كلها وردي فيها فوق وتحت مفيش حياة كلها وحشة ولا حياة كلها وردي ومش لازم أي اتنين يكونوا مع بعض ويسيبوا بعض يبقى في مشـاكل وكده.

تابعت: في على فكرة ناس مبيكملوش مع بعض وبيبقى النصيب وقف لحد كده .. بس بيكملوا أصحاب وبيبقوا في منتهى الشياكة والاحترام لأننا في الأول كنا أصدقاء وفي بيننا عشرة سنين كتيرة، فأكيد بيننا كل احترام وهو شخص محترم جداً .. فمفيش بيننا أي ضغــينة.