حلمي عبد الباقي: " ارفض استقاله مصطفى كامل لانه ملهوش بديل"

بدأ منذ قليل المؤتمر الصحفي لأعضاء مجلس نقابة المهن الموسيقية، لمطالبة مصطفى كامل نقيب الموسيقيين بالتراجع عن قرار الاستقالة الذي لمّح له منذ أيام.

وقال حلمي عبد الباقي على هامش المؤتمر: مصر كلها والجمعية العمومية يعرفوا إنجازات مصطفى كامل منذ تولي نقابة المهن الموسيقية، وكانت صدمة تلويحه بالاستقالة، وحاولنا نسأله عن السبب ولكن اكتشفنا إن في حاجات كتير مضايقاه.

وتابع حلمي عبد الباقي: أعداء النجاح قلة، ودائما الإنسان الناجح بيلاقي الحرب، لو متهاجمش ده معناه الفشل، كان مستني الناس تشكره، لكن لاحظ إن في ناس بتهاجمه، وهو بيقول بعد كل الإنجازات واللي بنعمله بيتحارب من قلة، مهما عملوا مصطفى كامل خد الكرسي بالتزكية.

وأضاف حلمي عبد الباقي: يعني جميع الجمعية العمومية كلنا نرفض الاستقالة وبندعمه، ونرفض البيان حول استقالته، كل أعضاء الجمعية يرفضون الاستقالة، وبنقوله لا إحنا محتاجينك، وإنجازاته لكل أرملة والمعاشات، ولو في تقصير ممكن نتجاوز ده، زي ما طوّر في المعاش والعلاج.