" انت مش ابنى".. كواليس صفعه عماد حمدى لـ عبد الحليم حافظ

يحل اليوم الأحد الموافق 28 يناير، ذكرى وفاة الفنان عماد حمدي، الذي رحل عن عالمنا عن عمر ناهز الـ 75عامًا، ويُعد واحدًا من نجوم السينما المصرية عبر تاريخها

تحدث عماد حمدي فى لقاء سابق قبل وفاته عن كواليس صفعه لـ عبد الحليم حافظ في فيلم "الخطايا"، كاشفًا عن موجة الانتقادات التي وجهت له من جميع أنحاء الوطن العربي بعدعرض الفيلم.

وقال عماد حمدي في حديثه عن صفعه لـ عبد الحليم حافظ: عبد الحليم حافظ مطرب أكتر من ممثل، وممثل أكتر من مطرب، وعندما يكون ممثلا يكون لا مثيل له، الطبيعة الفائقة والصدق في التمثيل، ولما ضربته بالقلم في فيلم ولا اهتز وهو كان بيعيط وننطت دمعة منه نزلت على البدلة، وكان القلم حقيقي وهو اللي طلب دا، المفروض أني كنت بضربه قلم صريح.

واضاف عماد حمدي : ": فأنا كنت في شدة زعلي قدام ابني اللي طرده من البيت وقولتله أنت مش ابني وهو كان بيبكي بصحيح، وجه القلم كنت خايف عشان أنا أيدي طرشة وهو رقيق الاحساس، ولما اديته القلم صعب عليا وقولت الولد هيجراله حاجة، وبعد القلم دا اخدت عتاب في كل مكان في الشرق، عشان عبد الحليم محبوب الجماهير اتضرب قلم، ويقولولي كدا يهون عليك.