حمو بيكا: هعتزل الغناء بعد 10 سنوات وأشارك في مسرحية جديدة مع رام

أوضح مؤدي المهرجانات الشعبية حمو بيكا رأيه في استكماله مشواره الفني، مشيرًا إلى أنه لن يستمر في مشواره الفني بعد ما يقرب من عشر سنوات.

وأضاف حمو بيكا: بحلم أكون مرتاح ومستور بس ومش هكمل كل الغناء ده طول الـ 10 سنين جايين ومحتاج اعمل مصلحة عشان أفضل في الحتة اللي أنا فيها.

وتابع: شوفت كتير فنانين مش معاهم ومش عاوز أوصل للمرحلة ديه، ويبقى أنا مش هقعد هنا لو وصلت للمرحلة ديه، وهكافح ولسه فيا نفس وهكمل المشوار.

أما عن خوضه مجال التمثيل، أردف حمو بيكا: هعمل مسرحية بإذن الله في شهر مارس الجاي في السعودية، أنا ورامز جلال، ولو دخلت مجال التمثيل هنجح طبعًا، بس اتحط في المكانة والحتة بتاعتي، والناس طالبة مني إني أمثل.

وعن رأيه في خوض مؤدي المهرجانات الشعبية كزبرة لمجال التمثيل مؤخرًا في فيلم الحريفة، قال بيكا: كزبرة عنده موهبة التمثيل، ليه منقفش جمبه ونساعده يكمل في المسيرة؟.