ميدو بهاجم اتحاد الكرة بسبب محمد صلاح
علق أحمد حسام ميدو نجم نادي الزمالك السابق على الانتقادات القوية التي تلقاها الدولي المصري محمد صلاح جناح ليفربول الإنجليزي أثناء مشاركته مع منتخب مصر في كأس أمم أفريقيا.
ونال الدولي المصري محمد صلاح هجومًا قويًا عقب تعادل منتخب مصر أمام غانا في الجولة الثانية من دور المجموعات لبطولة كأس أمم إفريقيا 2023
وكتب ميدو عبر حسابه الرسمي على موقع التواصل الإجتماعي”إكس”:” أول لما تشوف مقدمين برامج التوك شو بيشيلوا محمد صلاح اعرف إن ده توجه ما ينفعش في بلدنا نقول إن إحنا عندنا مسئولين عن الكرة فشله”.
وتابع ميدو: عندنا منتخب بيعتمد على اللاعيبة المحليين والبطولة بتاعتنا تعبانة وضايعة وماعندناش عدد لاعيبة محترفين كفاية يشيلوا المنتخب، أسهل حاجه انك تشيل صلاح”.
واتم ميدو حديثه: محمد صلاح هو الحاجه الوحيدة اللي صح في منظومة كرة القدم في مصر وانا والله عمري ما اتكلمت معاه بشكل شخصي ولا في بيني وبينه أي مصلحة”.
ويستعد منتخب مصر لمواجهة كاب فيردى فى العاشرة مساء الاثنين المقبل على ملعب فيلكس أوفوي بوانيي فى مدينة أبيدجان بكوت ديفوار، فى الجولة الثالثة من دور المجموعات بكأس الأمم الأفريقية.
اول لما تشوف مقدمين برامج التوك شو بيشيلوا #محمد_صلاح اعرف ان ده توجه ماينفعش في بلدنا نقول ان احنا عندنا مسئولين عن الكوره فشلة وعندنا منتخب بيعتمد على اللاعيبة المحليين والبطولة بتاعتنا تعبانه وضايعه وماعندناش عدد لاعيبة محترفين كفاية يشيلوا المنتخب..أسهل حاجه انك تشيل…
— Mido (@midoahm) January 20, 2024
