إبراهيم فايق: مستوي محمد صلاح كان وحش أمام غانا

انتقد الإعلامي إبراهيم فايق النجم الدولي محمد صلاح.

حيث كتب إبراهيم فايق عبر حسابه بموقع التواصل الاجتماعي فيسبوك قائلًا: هفضل طول عمري فخور بأسطورة مصر محمد صلاح وفخور اني عشت فترة أعظم لعيب صال وجال في أوروبا وبلاد الإنجليز.

‏وأضاف إبراهيم فايق: لكن لازم الناس تتعلم أن نقد اللاعب فنيا في مباراة شيء طبيعي وعادي جدا.. صلاح كان وحش في ماتش غانا ولو سألته هو نفسه هيقولك مش راضي عن مستوايا.. مفيش لعيب او مدرب فوق نقد الجمهور والإعلام خاصة وده منتخب مصر.

وتابع : ‏ومع ذلك هفضل أول حائط صد ضد أي واحد عايز يستغل غضبنا في ماتش كرة لمنتخب مصر ويهاجم صلاح ويقلل منه أو من تاريخه او يفتري عليه بالكذب.. صلاح ده عيشنا حلم جميل.. إن شاء الله يرجع يكسر الدنيا ، ومنتخب مصر يفوق كده ويفرحونا بدل النكد اللي إحنا فيه،إحنا غضبانين ومتنكدين فياريت لعيبة المنتخب والجهاز الفني يحسوا بينا ويصالحونا.