" وبقينا اتنين" فى أزمة بعد وفاة طارق عبد العزيز

كشفت أماني التونسي، مؤلفة مسلسل " وبقينا اتنين"،عن مصير دور الفنان طارق عبد العزيز في العمل، بعد رحيله أثناء تصويره اليوم، بشكل مفاجئ، عن عمر ناهز 55 عامًا.

وقالت أماني التونسي فى تصريحات صحفية لها : هحاول أشوف حل درامي للدور، لأنه كان عامل دور مهم أوي ودي مشكلة كبيرة خصوصًا إن عرض المسلسل الأسبوع الجاي، لكن طبعًا مش أكبر من مصيبة إنه توفي، صدمة كبيرة جدًا لينا ولعيلته.

وأضافت أماني التونسي: لازم هشوف سياق الدراما في المسلسل وهخلصه، ومش هييجي حد مكانه ويعمل الدور، هنشوف حل درامي، ولكن الأول لازم أقعد مع الإنتاج وأشوف هو صور قد إيه، وإيه كان آخر مشهد عشان أعرف أكتب وأغير السياق، أنا كنت مخلصة المسلسل كامل ومسافرة بره مصر هرجع وأغير في السياق.

وتابعت أماني التونسي: هو مات في الشغل دي حاجة كويسة جدًا، أي حد بيتمنى إنه بيموت في الشغل وإنه لحد آخر يوم في عمر الإنسان بيشتغل وواقف على رجله.