رانيا يوسف: المجتمع مالوش دخل في حياتي الشخصية

علقت الفنانة رانيا يوسف ،عن رأيها في تعدد الزوجات، قائلة: مقبلش أبقى ضرة ولا حد يتجوز عليا، لأن الموضوع مشاعر ست تانية بتتأذي، وأنا مبحبش آذي مشاعر حد ولا حد يأذيني حتى لو حبيت الشخص، ومن فترة كان في مشورع جواز وكان قائم على أن الشخص هينفصل والقرار كان واخده من قبل ما نتعرف، ولما اتعرفنا تقريبًا هي عرفت وقررت تصلح العلاقة، ومش هيحصل إني أبقى سبب في خراب بيت حد ولا آذي مشاعر واحدة.

وأضافت رانيا يوسف فى لقاء تليفزيونى: وقت ما كنت شغالة مضيفة طيران حبيت كابتن طيران كنا بنطلع رحلات مع بعض وكنت رومانسية أوي، واتخطبنا وبعد سنة ونص اكتشفت أنه متجوز ومخلف.

وأكدت الفنانة رانيا يوسف، أنها تدعم ابنتيها في أي قرار في حياتهما الشخصية، قائلة: لو بنتي عايزة تتحول لراجل هدعمها في أي قرار هي عايزاه، أي قرار يسعدها ويريحها ومبيأذيش حد، والمجتمع مالوش دخل في حياتي الشخصية ولا أولادي.. أنا لا أملك بناتي وهما اللي هيتحملوا نتيجة قراراتهم.