إلهام شاهين لـ منتقديها: " ليه بتحكموا قبل ماتشوفوا؟"

وجهت الفنانة إلهام شاهين رسالة لمنتقديها، مؤكدة أنها لا تتعمد استفزاز الجمهور، كما تحدثت عن شخصيتها في مسلسل " ألفريدو" .

وقالت إلهام شاهين خلال لقائها مع الاعلامية لميس الحديدى ببرنامج " كلمة أخيرة": "الى كل منتقدينى، ومهاجمي مسلسلها ألفريدو وقت عرض البوستر، قائلة: ميلشيات إلكترونية نشيطة وأنا عارفاهم من طريقة الكتابة وحفاظهم وحافظة طريقتهم، وبدأو يشتموا احتياطي قبل مايشوفوا ويقلك ست كبيرة وهتحب شاب صغير؟! حتى لو ده حقيقي ليه بتحكموا قبل ماتشوفوا؟.

واستكملت إلهام شاهين: أنا عارفة أن الهجوم ده عشان إلهام شاهين مش عشان المسلسل وده متوقع، لأن أرآي لاتتغير ومش بخاف من حد، وأنا صادقة مش بعرف أجامل ولا أنافق ولا حتى جمهوري عشان أكسبه، صعب تكسب كل الناس، الرسل وربنا سبحانه وتعالى فيه ناس لم تؤمن بهم تعمل كده أنت إزاي؟ أنت كده منافق.

وأكدت إلهام شاهين إنها لا تتعمد استفزاز الجمهور، قائلة: أنا مش قصدي أستفز الناس أنا ست صادقة جدًا ماعنديش توازنات، أنا بغيرعلى ثلاث حاجات على الفن وبلدي وديني، لأن الآراء المتشددة مسيئة له، وبغير على بلدي واللي يقرب منها باكله، والتلات حاجات دول متقربش منهم.

وأضافت إلهام شاهين: اللي زعلان ومش بيحبني متتفجرش عليا أنا مش بشربك المسلسل بالعافية؟ طيب تتابع ليه المسلسل وبتدخل صفحتي ليه؟ إقلب المحطة، فيه ناس فاضية وماعندهاش شغلانة معنى أنك بتدخل على صفحتي وبتتناقش في العمل يبقى متابعني.

وتابعت إلهام شاهين: مش عاوزاكم تحبوني لكن احترموا فني يامتدنين أوي، مش السيدة خديجة تزوجت الرسول وكانت أكبر منه بعمر 15 سنة ؟ ولا أنتوا معترضين على الرسول، ومجربتش إني اتجوز حد أصغر مني، ولكن جايز ليه لأ.