السيسى: لولا أحداث 2011 مكانش اتنبى سد النهضة .. والبعض خطط لهدم البلد بمليار جنيه
أكد الرئيس عبد الفتاح السيسى، رئيس الجمهورية، أنه لولا أحداث 2011 ما كان سيتم بناء سد النهضة الإثيوبى.
جاء ذلك خلال مداخلة للرئيس فى جلسة المشروعات القومية والبنية التحتية بمؤتمر حكاية وطن بالعاصمة الإدارية فى فعاليات يومه الثانى.
وأشار الرئيس إلى أنه ليس فقط ملف سد النهضة ولكن الفشل فى مختلف ملفات الدولة تم بسبب أحداث 2011 وما بعدها ممن تولوا البلاد حتى 2013.
وتابع ان : البعض كان عايز يهد بلد فيها 100 مليون أو 105 ملايين بمليار جنيه، يعني 30 مليون دولار، فيه ناس بتصرفهم في حفلة! يبقى لما أجي أدفع 85 مليارًا للأسرة اللي هيا مش حاسة إنها عايشة والناس مرمية في الصفيح في الشوارع وفي المقابر، فحد يقولك البلد اللي مش لاقية تاكل تفرشلهم الشقة كمان؟ طبعا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه.. إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول".ماحدش هيهاجمك كتير من بره بشكل مباشر؛ لأن ده تبعاته ضخمة جدًا ومكلفة جدًا مش بس عسكريًا وماليًا حتى من منظور القانون الدولي والنظام العالمي الموجود، الناس نازلة تتظاهر وأنا بمليار جنيه أنزلهم 10 أسابيع ورا بعض زي ما نزلوهم".
