سمية الخشاب تكشف صعوبات تصوير كليب "اركب على الموجة "

كشفت سمية الخشاب صعوبات تصوير كليب "أركب على الموجة"، موضحة: كان صعب نلاقي فندق يوافق نصور عنده في وقت الذروة في شهر يوليو، ونصور على الشاطئ، وصعب نصور من غير ما حد يعدي ويعمل باي باي في الكاميرا، وكان في عز الحر، لكن الحمد لله تخطينا كل الصعوبات وطلعنا بكليب حلو، وكان في صالحنا أن الجو كان مناسب جدًا لمود الأغنية.

وأضافت سمية الخشاب خلال في لقاء تلفزويوني: الأغنية فيها حاجات صعبة كتير وحاجات معمولة جرافيك بشكل متقن جدا، إبى جانب التصوير في درجة حرارة 40، وبوافق على كل حاجة يطلبها مني المخرج معنديش فكرة أقول أنا تعبانة أو مش هعملها أو أستعين بدوبلير، ولما المخرج طلب مني أنط على الترامبولين وافقت حتى هو أحيانا بيقول لي متأكدة أنك هتقدري تعملي ده وبيكون مش عاوز يتعبني، عجبني الترامبولين وفضلت أنط علشان ياخد اللقطات المطلوبة، وبعدها فضلت أسبوعين متكسحة، كإني كنت بعيدة عن الرياضة سنتين ورجعت أتمرن.