حارس الاهلي يودع الجماهير برساله مؤثره

ودع علي لطفي حارس مرمي الأهلي جماهير فريقه برسالة مؤثرة نشرها علي حسابه بالفيسبوك بعد انتقاله الي نادي زد.

وقال علي لطفي في رسالته :

مش عارف ابدأ منين ولا منين بس جوايا مشاعر مش عارف اعبر عنها النهارده اخر يوم ليا في النادي الي كان حلم حياتي اني العب فيه من اول ما بدأت العب كوره النادي الي قضيت جواه احسن ٦ سنين في حياتي حققت في بطولات و انجازات هتفضل وسام علي صدري ٦ سنين شوفت فيهم كل الحب و الاحترام من كل فرد في منظومة النادي الاهلي ويعلم ربنا اني مقصرتش يوم في حق النادي ٦ سنين كان نفسي يبقوا ٣٠ سنه بس دي سنة الحياه و حابب اشكر ادارة النادي بقيادة الاسطوره محمود الخطيب انه تفهم موقفي اني حابب اطلع و اشارك لان التواجد في الملعب هي الحاجه الوحيده الي ممكن ترضي اي لاعيب كوره ومكنتش هفكر اسيب النادي الاهلي الا لما الاقي مشروع كروي كبير يرتقي لطموحاتي الي اتعودت عليها جوه النادي الاهلي ولقيت كل الي بدور عليه في منظومة نادي ZED المحترمه و المحترفه بما تحمل الكلمه من معاني والله الموفق و المستعان و نسألكم الدعاء بالتوفيق و السداد