ايناس مكى تروى موقف مع نور الشريف فى " جلباب ابى"

كشفت الفنانة ايناس مكي،كواليس عن نجاح المسلسل الشهير" لن اعيش في جلباب ابي" التى شاركت فيه مع الفنان نور الشريف وعبلة كامل قائلة :'" كان عمرى وقتها ١٩ عام".

واضافت ايناس مكي : " مكنتش متوقعة النجاح لاني كنت لسه وجه جديد وساعتها كنت بعمل برنامج" ناس وناس " وكنت عاملة شخصية مذيعة لتسعة والمخرج أحمد توفيق كان بيدور على حد يعمل روزالين فشاف الكراكتر واقترح على الفنان نور الشريف "..

واكملت ايناس مكي : "قابلته وخدت الورق وصورنا أول يوم وتاني بوم ومكنتش اعرف انه مبيحبش يتفرج على المونتور، فجأة تالت يوم تصوير حد من عمال البوفيه اتأثر بطريقة كلامي وبعدها لقيت الاستاذ نور رايح يتفرج على المشهد اللي بيني وبينه لقيت المخرجة رباب حسين بتقولي عارفة يعني اي استاذ نور يتفرج المونتور؟"

وتابعت ايناس مكي: " بعد ما اتفرج على المشهد قعد يقولي برافو وكنت في قمه السعادة وبسبب نجاح الدور قعدت ٤ سنين كل ادوار الخواجاية اللي ف السوق كانت بتتعرض عليا وكنت بعتذر.