إيناس مكي تكشف حقيقة ازمتها ورفضها مع شقيقها " الكبير أوى"

كشفت الفنانة إيناس مكي ، عن سبب عدم مشاركتها فى عمل فنى مع شقيقها الفنان أحمد مكي، معلقه: "رديت على النقطة دي في جميع اللقاءات التليفزيونية، أنا بنت المهنة من 26 سنة فاتوا طبيعي لو انتي شخص مشهور وأخوكي ميجا ستار".

واضافت إيناس مكي، خلال تصريحات تليفزيونية : "الناس هتفضل ترغي وتهري في نفس المنطقة، الناس في مرة طلعونا متخانقين، وطلعونا واخدين قرار منشتغلش مع بعض والله ما حصل، وطلعوا فيه بينا مشادات، وهو راجلي وسندي واللي ليا في الدنيا وصلت إنهم قالوا ليه مفيش صور ما بينهم دا، انتو ناس غريبة جدا؟.

وتابعت إيناس مكي: " السبع سنين دول كانوا كرم من عند ربنا إني آخد بالي من أمي صحيا وكان ربنا هو اللي بيستف الأوراق وطلعت عايزة قلب مفتوح ودا عايز حد مركز وخدت أمي لأخويا الكبير في فرنسا خلصنا العملية ورجعنا، ولما بسرح بقول سبحانك يارب أنا لو كنت بشتغل مكنتش هاخد بالي.