رضا البحراوي:" غنيت فى الشارع وانا عمرى 8 سنين"
تحدث المطرب الشعبي رضا البحراوي، عن تفاصيل مشواره الفنى مؤكدًا أنه بدأ الغناء منذ عمر الـ 8 سنوات.
وقال رضا البحراوي، خلال لقائه مع الفنانة إسعاد يونس في برنامجها "صاحبة السعادة": أنا بدأت أغني وأنا عندي 8 سنين، وغنيت في الشارع ومكنتش حاسس إن صوتي حلو، ومنتج شافني وقالي صوتك حلو، وأول مرة شافني كنت بلعب بلي في الشارع وعدى عليا وغنيت وإداني 10 جنيه، وطبعا الحالة المادية كانت على قدها والحمد لله طارق عبد الستار عملي شريط وقبل ما أعمل الشريط كنت بغني في الحنن والأفراح.
وأضاف رضا البحراوي: كنت بغني لرمضان البرنس وجورج، وكنت بقول نفسي أوصل أبقى زي رمضان البرنس، والشريط نزل ساعة مولد السيد البدوي، وبعد أسبوع جالي حد من إسماعيلية وخبط على الشباك وأمي قالتله أنت عايز رضا ليه؟ وهي متعرفش إني بغني، والراجل سابلها بطاقته وقالها هرجعهولك تاني، وأول أجر أخده كان 300 جنيه.
