منى هلا: وقفتي على المسرح بتديني رضا عن نفسي .. فيديو

أكدت النجمة الشابة منى هلا خلال حديثها عن مهنة التمثيل على حبها الشديد للمهنة موضحة إرتباطها الشديد بها مشيرة لإستفادتها من وقوفها على المسرح.

قالت منى هلا خلال تصريحاتها لبرنامج الستات المذاع عبر فضائية قناة النهار: ببقى حساسة جدا لما بتكلم عن التمثيل .. أنا فعلا بحب المهنة دي جدا من قلبي وكل الناس اللي درست معاهم أو اللي بدرسلهم بحاول أفهمهم إنه مش كلام بنحفظه ونطلع نقوله وخلاص ولا هي حاجة بتتعلميها وخلاص .. هو مجهود و بتحطي فيه من صحتك وطاقتك ووقتك ومن عقلك ومن روحك ومن قراياتك .. أنا مش بعيط عشان أنا زعلانة ده شغف أنا فعلا بحب التمثيل للدرجة دي لما بتكلم عنه بلاقيني حساسة جدا وعايزة أعيط.

أضافت: التمثيل علمني إني لا أخجل إني أوري مشاعري لحد .. إنتي بتكوني واقفة على المسرح بتعري روحك قدام المتفرج إحنا بنقولها كده في مدارس التمثيل .. وبتوريله ضعفك الإنساني ودي حاجة مش سهلة .. دي مهنة أنا بحبها وبحترمها جدا وأنا فعلا فخورة إني بشتغل الشغلانة دي.