محمد عاطف: يجب تفعيل قوانين صارمة ضد التعديات على الحقوق

أزمة الذكاء الإصطناعي

يقول الشاعر محمد عاطف أن موضوع الذكاء الإصطناعي حاجة حلوة وجديدة وليها مميزات كتير. بس زي ما ليها مميزات ليها مساوئ وعيوب المسئول عنها اللي بيمتلكوا البرنامج ده لأن ده لازم يتم بموافقات شخصية من اصحاب المحتويات الأصلية من مبدعين ومطربين أو حتي شخصيات عامه.

وأضاف عاطف بانه بعتبر تعدي. انا شخصياً لقيت اغاني لي بأصوات مطربات عالميين أو دويتوهات وتريوهات بين كذا نجمه عربية وانبهرت طبعًا في الأول بس بعد كده اكتشفت ان ده تعدي كبير علي حقوق ناس كتير يعني إيه عمرو دياب مثلاً يتعب كل السنين دي من اختيارات ومشوار اثبات ذات وأسلوب وييجي حد يحط صوته علي اي أغنية بتقول "انا عايز باكو لبان" يمكن مفيش حد واخد باله من خطر ده دلوقت لكن بعدين اذا الحالة دي استمرت هيحصل لغط كبير جدًا. واحنا برضه كملحنين أو شعراء بنصرح بالحقوق دي لجهات منتجة مينفعش تتسلب حقوقهم. لازم تتفعل قوانين صارمة ضد التعديات دي. واللي عمله عمرو مصطفي ده مجهود نحترمه وذكاء فني. لازم نشوف ازاي البرنامج ده ومالكيه بيتصرفوا كده من غير حق او اذن معتقدش القانون الدولي يسمح بده.