أحمد حلمي يكشف سبب غيابة عن الدراما .. فيديو

كشف النجم أحمد حلمي عن السبب وراء عدم تقديمه لمسلسلات تليفزيونية لفترة طويلة مشيراً لما يحتاجة العمل الدرامى من مجهود ودقة فى قبولة من عدمه.

صرح أحمد حلمي فى لقائه ببرنامج بعيشها بإنرجي المذاع من خلال راديو إنرجي: أنا بحب التليفزيون وجمهوره كبير جداً .. لكن أنا محتار عايز أقدم شيء بسيط وسهل وإنك تلاقي شيء جاهز في التليفزيون دا صعب أوى .. أن يجيلك حلقات مكتوبة تختار بينها وبين موضوع تاني دا مبيحصلش .. الموضوع بنسبة كبيرة منة بيتكتب عشانك .. داخلين مسلسل بنقعد ونبدأ نكتب .. مش بيتكتب بطريقة السيناريوهات حد بيكتبلك ويبعتلك عجبك بتعمله .. دا بيخليك متقدرش تحكم حكم كامل على الحاجة .. بيجيلك معالجة تفصييلة وهكذا ومتبقاش عارف هيبقى عامل إزاي بعد ما يتكتب.

تابع: دا اللي أخرني مش عارف .. لازم تدخل في السيستم لأنه مجهود كبير .. ومفيش حد هيكتب مسلسل 15 حلقة و 30 حلقة عشان يبدأ يعرضه على مين اللى يعمله .. ومش ده الصح بس هو ده اللى موجود .. أنا عايز الحاجة تجيلي اقراها وأعجب بيها ومبتجليش عمرها.

يذكر أن أحمد حلمي يعرض حالياً مسرحيته ميمو في جدة ويشاركة فى البطولة هنا الزاهد، أحمد رزق، حمدي المرغني، محمد رضوان، جيلان علاء، نور إيهاب، إنتاج كرافت ميديا، تأليف ضياء محمد ومن إخراج هشام عطوة.