حورية لـ نزار الفارس:"عشان أنا عندي مشكلة في مناخيري ابقى غلبانه"

نفت الفنانة حورية فرغلي ما تردد الساعات الماضية بشان اتفاقها مع الاعلامى العراقي نزار الفارس لتصدر تريند مواقع التواصل الاجتماعي، باعلانه خبر كاذب بخطبتهما قائلة: أكيد مش متفقة معاه على تريند يعني هوأنا اللي رحت له العراق؟ واتفقت على اللقاء وبعدين أنا مش محتاجة، كان مريب وهو من أول ما دخل كان غريب وبيصور كتير، ومعنديش أي مشكلة الحلقة تنزل، عشان الناس هتعرف كدة متفقة معاه واللا لأ.

وأضافت حورية فرغلي فى تصريحات صحفية : ليه مكنتش صريح معايا؟ إزاي حد يقابل حد بعد خمس دقايق يقوله عايز تتجوزه؟، هو عشان أنا عندي مشكلة في مناخيري يبقى غلبانة بقى ويحصل فيا كدة؟.. هو سألني وقالي أنتي متجوزة قلتله لأ أنا سنجل بقالي فترة كبيرة، ومش فاكرة الكلام ده كان جوه الحلقة ولا براها؟.