"حيلهم بينهم ع الضيق".. عمرو رمزى يداعب الزعيم فى عيد ميلاده

داعب الفنان عمرو رمزى الفنان الكبير عادل إمام عبر السوشيال ميديا فى عيد ميلاده

نشر "رمزى" صورة برفقة الزعيم من كواليس تصوير مسلسل فرقه ناجي عطالله ، وروى قصة جمعت بينهما أثناء استراحة التصوير ، وكتب قائلا "ايه حكايه الصوره دي
في مسلسل فرقه ناجي عطالله للاستاذ
عادل امام
واحنا في بيروت بنصور مشاهد الجبال اللي هربنا ليها بعد عمليه البنك كنا بنصور في بيت لبناني جميل قووي
اخدنا استراحه عشان ناكل حاجه بعد الغدا فجاه الاستاذ عادل قاللي البرنامج بتاع حيلهم بينهم كان بيضحكني قوي انت كنت غلس قوي ياواد بس عملت ضحك بتاعك لوحدك
والله فاكر الكلام دا بالحرف
قلتله يااستاذ دا حته برنامج مش فيلم سينما
قاللي هي دي عبقريته ياعبيط وهيعيش كتير جداا

فانا شيطاني قاللي طيب ما نهزر شويه. قلت له يا استاذ طب ماتيجي نعمل حيلهم بينهم سوا
قاللي انت عاوز تاخد لقطه وحركات يعني قلتله اه صراحه .. وجابولنا الكراسي وقعدت حطيت رجل علي رجل قداااام عاااادل اماااام
وقالهم يالا صورونا ..
اتمطعت وقلت 3. 2. 1
ورحت قايله ليه كل اعمالك فشلت .. و تييييييييييت،
كل سنه وانت بالف خير وصحه يازعيم الضحك في العالم.

تفاعل معه جمهوره ومتابعيه الذين أبدوا إعجابهم بالصورة ، كما تبادلوا التعليقات والتهانى متمنيين دوام الصحة للنجم الكبير .