رامز جلال عن ضحايا اليوم : " جايب أم وابنها وهحرم الأم من ضناها"

قال الفنان رامز جلال في تقديمه ضحايا حلقته اليوم فى " رامز نيفر إند" "، معلقا: "مقدم على تحدي جديد في سجل الإجرام، هتجرد من كل مشاعر العطف اللي مش موجودة جوايا.

واضاف رامز جلال : جايب أم وابنها، هحرم الأم من ضناها، اللي هيحصل النهاردة هيعمق الروابط الأسرية كل واحد فيهم هيعرف قيمة التاني لما الابن يشوف الام وهي بتنازع هيتأكد أنه مالوش غير حضن أمه، والابن هيقول الحقيني يا ماما وهتفهم إن في الأخر مالهاش غير بيتها وولادها".

يذكر أن برنامج "رامز نيفر إند" يتكون من مقلبين الأول، إذ يستدرج ضيوفه عن طريق إيهامهم أن يذهبوا لافتتاح أحد المطاعم الكبرى، وحينما يذهب الضيف إلى هناك يتعرض لمضايقات من قبل العاملين في المطعم مثل إلقاء الطعام في وجوههم.

أما المقلب الثاني فهو عبارة عن دعوة الضحية إلى مطعم طائر وأثناء تواجده على ارتفاع عال، يحدث المقلب الآخر، ويبدو أنه يجري إيهام الضحية بأن هناك عطلًا في الآلة، وبعدها يدخل الضيف في حالة فزع وخوف شديد مع كثرة اهتزاز المطعم.