روجينا:" أنا حلقت شعري ومتقبلتش الموقف ..واحنا اقوى من الرجال"

كشفت الفنانة روجينا عن حلقها شعرها واستعدادها للشخصية " ستهم" ,قائلة: مش عايزة أفتكر المرحلة دي من حياتي، لأنها مرحلة صعبة أنا دايمًا بقول إني تحت أمر الشخصية اللي بقدمها، وستهم ست وافقت تلبس ثوب الرجال عشان تعرف تاخد حقها، وواجهت صعوبات كتير في المسلسل، لأن العمل الرجالي صعب للسيدات، الست اللي بتمتهن مهنة الرجال هي ست بمليون راجل.

وأضافت روجينا خلال حوارها في برنامج "تفاعلكم": إحنا أقوى من الرجال طبعًا، وربنا خص الست بقوة بدنية، لكن فيه مهن جسمانية صعبة بالنسبة للست، وأنا حلقت شعري ومتقبلتش الموقف، ومكنتش ببص لنفسي في المراية، كانوا بيحطولي المكياج وأنا مش قاعدة قدام المراية، ولما بمثل مببصش على شغلي.