حسن شاكوش يروج لزوجته قبل ظهورها فى " العرافة"
روج مؤدى المهرجانات حسن شاكوش من خلاله للجزء الثاني من حلقته غدًا الاثنين في برنامج "العرافة" مع الاعلامية بسمة وهبة، مشيرًا إلى أن زوجته ريم ستظهر معه لأول مرة في برنامج.
وأضاف حسن شاكوش في فيديو لايف عبر صفحته على انستجرام، قائلا: تابعوا بكره الجزء التاني من حلقتي مع بسمة وهبة، بكره في حاجات مختلفة خالص غير اللي أنتم شفتوها، وكمان علشان الجماعة عندي طالعين في أول برنامج ليها في حياتها فكانت مهزوزة شوية وقلقانة وفيه ضرب نار في الحلقة.
ورد حسن شاكوش في الجزء الأول من حلقته في برنامج العرافة مع بسمة وهبة أمس، عن الهجوم الذي تعرضت له زوجته لسجودها في حفل زفافهما إذ دافع عنها قائلًا: لم تسجد لي، لكن لله، ومن يريد السجود لله في أي مكان فليسجد، وما كنتش متوقع منها تعمل كده ومحدش عارف اللي بينها وبين ربنا وكانت بتدعي بتقول إيه، ممكن تكون بتسجد إن ربنا عوضها بحد هي شايفاه إن ده الإنسان اللي كانت عاوزاه وبتتمناه من ربنا.
وأكد حسن شاكوش أن زوجته لا تترك فرضًا مضيفًا: لما شفتها وهي بتسجد فرحت جدًا واللي عملته مش عيب ومفيش كرامة بين الراجل وزوجته.
