ياسمين صبري: مفيش شخص مش بيواجه انتقادات في شغله

كشفت النجمة ياسمين صبري عن مدى تعلقها بـالتصوير والكاميرا وحبها للفن بجانب الحديث عن الانتقادات التي يتعرض لها زملائها.

قالت ياسمين صبري في تصريحات تليفزيونية: أنا بحس إني مولودة للكاميرا وبرتاح معاها وبتديني طاقة مهما كانت عدد الساعات اللي بقف قدامها، وبعتبر نفسي لسه مبدأتش ولا عملت حاجة؛ لأن طموحي مالهوش سقف وبؤمن أن الحياة اختيارات وكل شيء ممكن ومفيش حد بدأ أو أشتغل ولم يواجه انتقادات.

وتحدثت ياسمين صبري أيضاً عن دعمها للمرأة باستمرار قائلة: المرأة مش شكل وجسد ووجه بس لأ دي أكتر من كدا وهي روح جميلة وعقل وقلب ملهم، الستات ملهمين لبعض وبحس الواحدة بتكون مستنية ممثلة تعمل دور ست قوية عشان تستقوى بيها.

تعود ياسمين صبري للسينما بعد غياب 5 سنوات بـفيلم يحمل اسم أبو النسب بالتعاون مع الفنان محمد إمام الذي يُعد التعاون الثالث بينهما بعد نجاحهما بـ فيلم جحيم في الهند عام 2016 وفيلم ليلة هنا وسرور عام 2018 كما تشارك في فيلمين بجانب فيلم أبو النسب وأحدهما أكشن ومن المقرر طرحه في الصيف.