الرئيس السيسي:الأزمة الاقتصادية ليست مقياسا لقوة الدولة المصرية

قال الرئيس عبد الفتاح السيسي "إذا كانت الناس هتتصور إن أزمة اقتصادية زى اللى أحنا بنمر بيها هو ده القياس الحقيقي للدولة المصرية يبقى أنتم بتظلموا بتكلم بصراحة .. إذا كان القياس ظروفنا الاقتصادية طيب كنا عاملين إزاى في 2011 – 2013 .. مهم مننساش إن الدولة كانت خلاص مفيش، وكان ممكن قوى البلد تدخل حرب أهلية ونقعد سنين طويلة".

وتابع الرئيس: "لغاية دلوقتى فيه دول دخلت مخرجتش... الموضوع كله قدام عنينيا... وربنا أراد للبلد دى إنها متخشش حرب أهلية ... هو ربنا أراد كده رغم كل التخطيط والمكر لكن إرادته سبحانه وتعالي أنها تنجو".

وقال الرئيس عبد الفتاح السيسي أن هناك ثمن كبير تم دفعه من أجل الوصول لاستقرار البلاد، وأن هناك أسر فقدت أبنائها، واكد اننا نحمل كل الشكر والعرفان والتقدير لكل أسرة شهيد، ولكل شهيد ضحى بنفسه من أجل مصر ".

وتابع الرئيس:" مفيش إرهاب بيهد بلد إذا كانت تلك البلد على قلب رجل واحد.. طبعًا فى أرواح وتضحيات تقدم، ولكن كانت هناك نهاية لـ الإرهاب بعد 10 سنوات.. مؤكدًا أن كلامه لـ أهل الخير و الشر".