الرئيس السيسي من الصعيد :نحتاج للإخلاص والعمل والدولة تعمل على تخفيف الأعباء

قال الرئيس عبد الفتاح السيسي اليوم خلال افطار مع اهالي قرية المعصرة بمحافظة المنيا نقول لبعضنا هنا، إن أخويا وأبويا وابني اللى شغال في مكان ما، البلد محتاجة إخلاصك وأمانتك وعملك.. الإخلاص والأمانة والعمل.. وانتوا بتشوفوا دول أكبر مننا وأغلى مننا.. بتعاني من ده.. أتمنى من الله نفضل متماسكين شعب ودولة، واحنا من جانبها دولة تخفيف ما أمكن على الناس، احنا مع بعض بنعملها.. طول ما احنا بخير وسلام وأمان.. الحمد لله رب العالمين.. الحمد لله رب العالمين.. متشكرين وكل سنة وانتم طيبين".

وقال الرئيس السيسي، في نهاية كلمته: " أنا سعيد بيكم واتشرف بيكم.. اطمنوا على مصر بيكم.. مصر قايمة بيكم.. وبتطلع بيكم.. وهتطلع لقدام بيكم انتم".

وأضاف الرئيس السيسي خلال كلمته على هامش زيارته لمحافظة المنيا: "متحرموش باقى شباب المحافظة والشباب الصغير.. فهمومهم ان ده جميل قوى ونعمل حاجة حلوة قوي لبلدنا ونشتغل عليها .. شايفين المنظر بقا عامل ازاى بيكم؟ ونقدر نعمل اكتر من كده بكتير.. متشكر جدا باسمى واسم كل المصريين وباسم المحافظة بنشكركم شكرا جزيلا".

اعرب الرئيس عبد الفتاح السيسي عن بالغ السعادة للاستقبال الحافل من أهالي قرية المعصرة في محافظة المنيا، قائلا: "شكرا على الاستقبال ده والكلام الحلو ده.. ده كلام حلو طالع من قلبكم.. حاجة تفرحني وتشرفني جدا.. قولت الكلام ده في سوهاج وفى المحافظات اللى بنزلها دلوقتي".