"كل الناس حذرتني منه" .. مصطفى كامل يعلق على ازمة ايقاف مسلم عن العمل
علق الفنان مصطفى كامل، نقيب المهن الموسيقية، على أزمة مطرب المهرجانات مسلم ،بشان قرار إيقافه عن العمل لعدم التزامه بموعد التحقيق المحدد معه وعدم مثوله أمام لجنة التحقيق.
وقال مصطفى كامل في تصريحات تلفزيونية: "كل الناس حذرتني من التعامل مع مسلم بما فيهم جدران النقابة، وهو شخص متعب ومزعج".
واضاف مصطفى كامل: بدء مسلم يبعتلي على واتساب وانستجرام وقولت لازم اقف جنبه وكان بينا مكالمة وقولتله لن أقبل أخي أو ابني وهو مش مأدي الخدمة العسكرية، وقوتله روح أدي حق بلدك عليك.
وأستكمل مصطفى كامل: جابلي ما يفيد انه راح التجنيد وقولت النقابة هتتيح التصريح في حالة إحضار موقفه من التجنيد وقولت من شروط القيد أن يجيب ما يفيد موقفه من التجنيد ولا يشترط فيه أنه أدى الخدمة أولا.
وتابع مصطفى كامل: كتبته إقرار على نفسه لأن ناس كتير قالتلي عليه ده لعبي لأن لو لقدر الله أي خلاف بتجنيده أو هرب هتيحاسب، وفضلت معاه في دور أبوه.
وأختتم مصطفى كامل: من ساعة ما خد التصريح كل يوم عندي منتج جاي يشتكي من مسلم وقولتله هو أنا ماسك المنصب ده نقيب ليك لوحدك.. أنا تعبت معاه وهو دايمًا مش عارف هو عايز ايه.
