ابنتي منعتني من تصوير فيلم.. يتعارض مع قيم مجتمعنا

إسماعيل فرغلي:

قال الفنان إسماعيل فرغلي إن مسلسل العيلة دي الذي انتهي عرضه من أيام قليلة نموذج لنوعية الموضوعات الاجتماعية التي يحرص علي التواجد فيها. مؤكدًا أي عمل فني لازم يكون ليه رسالة حتي الأعمال الكوميدية بأنها أحب الأنواع للجمهور سواء الكبار أو الصغار .

أضاف: دوري كان توليفة من الكوميديا والدراما الإنسانية.. ومكنش الجمهور متصور أن رب الأسرة اللي رجع لبلده وبيته فجأة بعد سنين طويلة عايز يموت وسطهم بعد العملية الجراحية الخطيرة اللي عملها برة لوحده.. دي رسالة مسلسل العيلة دي أن لمة الأسرة ووقوفهم مع بعض وقت الشدة أهم من الفلوس..

يقول الفنان إسماعيل فرغلي: كانت تجربة حلوة من حيث الفكرة للكاتب يسري الفخراني والسيناريو للشابتين أماني التونسي وياسمين رفعت وطبعًا المخرج أحمد خالد أمين.. ومجموعة الشباب اللي اشتركوا معانا أعطونا إحساس كله حيوية.. وطبعًا حبيبتي وفاء عامر والقنبلة الكوميدية محمد ثروت..

عن رأيه في اتجاه أولاده للعمل بالفن يقول: لو حد عنده موهبة أكيد هاشجعه المهم يختار أدوار مفيدة لها قيمة.. عن نفسي كان معروض عليا سيناريو فيلم وبنتي قرأت الورق معايا لكني اعتذرت عشان فيه خط درامي يتعارض مع ديننا وقيم مجتمعنا.. الفن فيه حرية وفيه كمان مسئولية مجتمعية.

وعن ظاهرة الجري وراء التريندات قال الفنان إسماعيل فرغلي: ربنا يكفينا شرها ويهدي أولادنا اللي بيجروا ورا التريند حتي لو بالكذب أو الخوض في أعراض الناس.. للأسف السوشيال ميديا ضيعت مننا قيم وتقاليد اتربينا عليها.