شكاوى من قطعة"الإسبرين"بإمتحان اللغة الإنجليزيةللصف الأول الثانوي
إشتكى طلاب الأول الثانوى العام بالأقصر وأولياء امورهم من صعوبة أسئلة أمتحان اللغة الأجنبية الأولى " الإنجليزية " خاصة الجزء الخاص بالقطعة والأسئلة الواردة عنها والتى دارت حول الأسبرين وإختراعه وتأثيراته الطبية .
وقالت إحدى السيدات ولى أمر أحد الطلاب " ده قطعة إمتحان اللى هى المفروض بتاعت أولى ثانوى.... اللى حاطط الامتحان شايفنا دكاتره ولا واخدين ماجستير جايب القطعة من امتحانات الماجستير لكلية طب عين شمس ٢٠١٨ ...لما يحب يصعب الامتحان على طلاب أولى ثانوى يبقى بالشكل ده أول سنة لينا فى النظام الجديد. والقطعة مش فاهمين إيه عايزة مننا ومش مفهومة ومش كلامى أنا بس ده كل الدفعة بتقول كده."
وأضاف أحد الطلاب قائلا " إحنا داخلين ثانوى وعارفين أنه صعب بس مش لدرجة تحطلنا قطعة فى الإمتحان بالشكل ده ... ده تعجيز مش امتحان ...لما الطالب يقعد أكتر من نص ساعة يقرأ فيها علشان يجاوب علي الاسئلة وتشغل باله عن باقى الامتحان وأسئلة حسابية وحاجات غريبه فيها ...ده مستوى طالب واحد دكتوراه فعلا مش طالب ثانوى إحنا ملناش ذمب درجات تضيع مننا بسبب التعقيد ده.
من ناحية أخرى لم يتلق الطلاب وأولياء أمورهم أى ردود من مديرية التربية والتعليم بالاقصر ولا الوزارة حول تساؤلات الطلاب وأولياء أمورهم .
