مرتضى منصور للزملكاوية: شامم ريحة الدوري جايه ونقدر نحصد اللقب

أكد مرتضى منصور رئيس نادي الزمالك أن جون إيبوكا لاعب كبير، لم نتعاقد مع اللاعب حتى الآن، وإذا تعاقدنا معه هنعلن على طول وممكن يكون ده طريق للهجوم على الإدارة وإتهامها بالفشل لو متعاقدناش معاه.

وأضاف مرتضى منصور : "جمهور الزمالك العظيم يقرأ إيبوكا تعاقدنا معه، هو لاعب كبير وأي نادي يتمنى يكون عنده، لكن اللي بسمعه من حاجة من إتنين إما بيتم الترويج للكلام ده علشان لو مفيش حاجه تقولوا إننا فاشلين، أو إيبوكا معروض للبيع بلاش الحركات دي والنبي، لما بنتعاقد بنعلن".

وتابع مرتضى منصور رئيس نادي الزمالك أنه بمنزلة أب للاعبي الفريق الأول لكرة القدم بالنادي، وفي بعض الأحيان يقسو عليهم من أجل مصلحة الفريق.

وأشار مرتضى منصور: " أنا شامم ريحة الدوري جاية، والفريق يقدر يحصد اللقب للموسم الثالث على التوالي وندعم البرتغالي جوسفالدو فيريرا المدير الفني".

واختتم قائلا:" التدريب مش كيميا وانا لو مدرب هلعب بسيف الجزيري وسامسون مع بعض لأن أنا نادي هجومي ولسنا فريق دفاعي".