عميد تجارة المنوفية يبث الطاقة الإيجابية بين الطلاب

الدكتور أمجد عمارة عميد كلية التجارة مع الطلاب خلال امتحانا

السبت 07/يناير/2023 - 08:37 ص

فى إمتحانات الترم الأول

حرص الدكتور أمجد حامد عمارة عميد كلية التجارة بشبين الكوم جامعة المنوفية, منذ بداية إختبارات الفصل الدراسي الأول للعام الجامعى 2022 / 2023 , على تفقد لجان الإمتحانات ليس للمتابعة والتأكد من إنتظامها فقط , وإنما لإزالة رهبة الإمتحان لدى الطلاب بمداعبتهم بأسلوب راقٍ ,وبث الطاقة الإيجابية فيهم , وحثهم على التركيز في الإجابات, فضلاً عن إلتقاط الصور التذكارية معهم ,

وعلى الفور انتشرت الصور على صفحات السوشيال ميديا , وسط حالة من البهجة بين الطلاب , ويتسابق الجميع فى كتابة التعليقات التى تعبر عن الفرحة والبهجة , ووصل الأمر إلى تشبيه عدد من الطلاب له بالدكتور مبروك عطية وما يتمتع به من روح المرح والدعابة خلال ظهوره على شاشة التلفزيون,

علق محمود بيومى : الدكتور العميد بتاعنا الشياكة كلها,

قال يوسف فؤاد : اسطووووووره اوي,

وكتب هشام خالد ممكن تفتكره شاب من الزمالك بس ده العميد بتاعنا عادي.. العميد الفرفوش رزق

وعلق آخر: “العميد الفرفوش رزق بيدي روح أمل وتفاؤل للطلبة بيقربهم منه ويحسسهم بالأمان ويعمل لهم دفعة معنوية كبيرة للحل والتفوق”.

قال أحمد محمد : العميد المتواضع,

وكتب محمد إبراهيم بدر: “اللى فى الصورة ده عميد كلية التجارة جامعة المنوفية ، الدكتور أمجد حامد عمارة ، العميد ده حد جميل أوى ودائما مبتسم ودائما لما يشوف اى تجمع للطلبة عنده يروح ويقف معاهم ويناقشهم ويطبطب عليهم ويطمنهم ويشجعهم ويعطى ليهم جرعه امل ، دكتور متواضع ذو قلب جميل”.

كتبت فيفى جمال : أنا طلعت العالمية خلاص , أنا مع العميد والدكتور إكرامى,

كتبت مى طارق : بقينا علي الفضائيات اهو,

رافق الدكتور أمجد حامد عمارة عميد كلية التجارة , خلال جولاته الدكتور محمد وهدان وكيل الكلية للدراسات العليا والبحوث , والدكتور إكرامى جمال وكيل الكلية لشئون التعليم والطلاب, والدكتور محسن عبيد وكيل الكلية لخدمة المجتمع وتنمية البيئة..