الاعدام شنقا لقاتل خطيبته بالمنيا
حكمت محكمة جنايات المنيا برئاسة المستشار أحمد يوسف الفرارجى وعضوية المستشارين حسين على نسيره ومحمد فوزى الجابري وهيثم ابو جبل. وبحضور محمد ابو العينين وكيل النيابة وبامانه سر وائل عبد الحميد عبد المطلب حضوريا بإجماع اراء اعضائها اعدام المتهم عمران .م.ن.م شنقا والزامه بدفع المصاريف الحنائية
تعود أحداث الجناية رقم ٣٦٣١٦ لسنه ۲۰۲۰ جنايات مركز المنيا المقيدة برقم ۲٦٧٩ لسنة ۲۰۲۰ كلى جنوب المنيا والتى احالها المستشار تامر مطيع المحامى العام الأول لنيابات جنوب المنيا إلى محكمة الجنايات لانه فى اليوم العاشر من شهر نوفمبر عام ٢٠٢٠ قتل رحمه محمد رضا عبد المعز عمدا مع سبق الاصرار بأن عقد النيه وبيت العزم علي ذلك ، وتنفيذاً لمخططه الاجرامي سار بها إلى ضفه مجرى مائى الترعه الابراهيميه " منتهزاً خطبتهما وما أن تهيأت له الفرصه حتي كمم فمها ودفعها بالمياه قاصداً إزهاق روحها فاحدث اصابتها التي اؤدت بحياتها
كان اللواء محمد ضبش مساعد المدير للأمن تلقي إخطارا من العميد وائل صديق مأمور مركز شرطة المنيا يفيد قيام الرائد محمود فتحي بخيت من قوات الانقاذ النهرى بالمنيا من انتشال جثه من المياه واستخراجها للشاطئ بمناظرة المقدم محمد منير رئيس مباحث المركز للجثه تبين أنها قبلى قريه زهره بترعه الابراهيميه بالشاطئ الغربي وتبين انها لانثى في العقد الثالث من العمر ترتدى كامل ملابسها ولا توجد عليها ثمة إصابات ظاهرية أو علامات مميزة، وتبين أنه تدعي رحمة محمد رضا عبد المعز - ۲۱ سنة طالبة بمعهد تمريض خاص شلبي مقيمة مركز المنيا ومتغيبة وتعرف شقيقها أحمد محمد رضا عبد المعز عليها
أكدت التحريات الأولية للرائد احمد سعيد معاون اول المباحث والتى اشرف عليها العقيد طارق ابو سديرة مفتش المباحث قيام المتهم عمران.ن.م.ن.م. ٣٦ سنه امين شرطة بمستشفى الشرطة بأسيوط والمقيم مركز المنيا اثر سوء ظنه بسلوك المجني عليها وهي خطيبته عقد النيه وبيت العزم على قتلها وتنفيذا لمخططه الاجرامي سار بها الي ضفة مجري ماني " الترعة الابراهيمية " وكمم فمها ودفعها بالمياه قاصدا ازهاق روحها فحدثت اصابتها التي أودت بحياتها واقر بارتكاب الواقعة وارشد علي مكان ارتكابها الجريمة واجري معاينة تصويرية لكيفية ارتكابه الواقعة
اقر فى تحقيقات النيابة العامة بارتكابه للواقعة قائلا هى كلمتني يوم الواقعة ٣ مرات للاطمئنان على انى وصلت الثامنة صباحا وبعدها أجريت مكالمة هاتفية الساعة ١٠ و١٢ظهرا من تليفون زميلتها علشان تشوفني ركبت من اسيوط ولا لسه مركبتش وكلمتني تاني علي بعد الضهر في نفس اليوم ولم رجعت دورت عليها لغاية الليل وأنا بعد كده سبتهم ورحت علي شغلي يوم الخميس الفجر ، وفي نفس اليوم أخوها رن عليا الساعة ٩ الصبح وقالي انهم لقيو رحمه ، وبعدين أنا جيت من أسيوط ، وكانت ودوها علي المشرحة ، لكن أنا معرفش هي اتوفت ازاي ، وانا مش بتهم حد بحاجة . وده كل اللي حصل
واضاف قائلا هى كانت واقفة جنبي مباشرة واول مرة رميتها وكانت علي بعد حوالي متر ونص المتر من الشط وتاني مرة كانت حولي مترين ونص وجرفه المجرى المائي بترعة الابراهيميه وانا قتلتها لانى حسيت انها ضحكت عليا من الكلام اللي كانت بتقوله وانا ما كانش فيا عقل او تفكير وانا ما حسيتش بنفسي غير وانا برميها وانا اتعقدت من أي وحدة است.و جاتني فكرة اني ارميها في المياة وانا علي المكنة علشان تغرق وكنت جاي من عند كوبري البرجاية ورايح للمكان الي رميتها فيه . انا ما كنش فيا تفكير انا كنت عايز اخلص منها وخلاص و انا ما كنتش مبيت النية انا كنت ناوي بس اصورها وهي عريانة بس الفكرة اني ارميها في المية جتليه وهيراكبة ورايا علي الموتوسيكبل ا عملت كدة لأن اهلي قالولي انهما ناس كويسين والبنت مؤدية وقالو انها حافظة كلام ربنا وابوها شغال فيه ومكنش تنفع تبقي ام اولادى
واتفقنا علي اتمام الخطبة اني أدفع ٤٠ ألف دهب واديتهم ١٥ ألف جنية. قبل الفرح بحوالي ٢٠ يوم وكنت عاوز اخد ثمن الشبكة اللى دفعتها فقلت اخلص عليها ، ورحت بيها بعد كوبري البرجاية بحوالي ۵۰۰ متر ، ونزلت بيها لتحت الطريق السريع علي ضفة ترعة الإبراهيمية، وأول ما وصلت على طول روحت زقيتها في المية علي طول ، وهي فكرت اني أنا بهزر معاها وقالتلي مش بعرف أعوم راحت حاولت تطلع روحت زقيتها تاني ، ووشوفتها عايمة علي وش المية ، وبعدين انا خدت المكنة واستقيلت موتوسيكل شقيقي وعدت إلى المنزل دون أن ابوح على تلك السر وذهبت ابحث مع أسرتها عليها وبعد مرور ٣ ايام جات الشرطة واخذتنى للمركز ولما سألوني انا قولتلهم علي كل اللي حصل من غير ما غير ما حد ما يكلمني وانا قولت ابري ضميري وده كل اللي حصل
وكشف شهود العيان زملاء رحمة لغز جريمة القتل قالت فاطمة محمد جلال محمد و بالأكاديمية الأوروبية للعلوم بأن المجنى عليها هي زميلتها في الأكاديمية وانها قابلتها بالأكاديمية الساعة ١٠ صباحا وأخذت التليفون وأجرت مكالمة مع خطيبها ، وهي طلعت معايا من الأكاديمية ومشينا مع بعض لغاية بوابة جامعة المنيا وانا سبتها هناك وروحت وانا راكبة العربية وماشية شفتها كانت لسة واقفة منتظرة خطيبها
قال أحمد محمد رضا عبد المعز ٢٥ سنة حاصل عى ليسانس لغة عربية وعلوم إسلامية فى تحقيقات النيابة اللى حصل أن اختي رحمة طلعت من البيت يوم الثلاثاء صباح يوم 10/11/2020 وراحت على معهد التمريض بالاكاديمية الأمريكية للعلوم الطبية لحى شلبي اللي بتدرس فيه وهي كانت بتطلع من المعهد على الساعه 4 مساء أ وبعدين في حوالي الساعة 6مساءا نزلنا ندور عليها ومالقيناهاش وهى كانت متفقة هتروح عند اختى هالة علشان يشتروا حاجات وهالة قلقت عليها وكلمتنى لأنها مجاتش فنزلنا ندور عليها ، ورحت عملت محضر في بندر المنيا تاني يوم والنهاردة عرفنا ان اختى لقيوها غرقانة فى ترعة الإبراهيمية وروحت هناك لقيتها بنفس الهدوم اللى كانت طالعه بيها وبعد كدو خدو الجثة على المستشفى وانا مش بتهم حد وانا معرفش هی غرفت ازای وده كل اللي حصلي هى مخطوبة وفرحها المفروض كان يوم ٢٠ نوفمبر بعد ١٠ايام تقريبا
قال والد المجني عليها محمد رضا عبد المعز ٦٢ سنة موظف للى حصل ان بنتي رحمة طلعت من البيت يوم الثلاثاء الصبح الساعة ٨.٣٠ وراحت علي المعهد التمريض اللي بتدرس فيه وهي ومرجعتش ، وبعد المغرب قعدنا ندور عليها ومالقيناهاش وابني راح عمل محضر في بندر المنيا تاني يوم ويوم الخميس عرفنا ان بنتي لقيوها غرقانة فى ترعة الابراهيمية
وكانت النيابة العامة ارسلت عينة للمعامل المركزيه الشرعيه بالقاهرة للبحث من اثار وفى حاله الايجابيه مقارنتها بعينه DNA الخاصه بالمذكوره للبحث عن اثار الحيوانات المنويه وتحديد الفصيله فى حاله الايجابيه .وتبين عدم وجود. اى اثار
ثبت بتقرير الصفة التشريحية للمجنى عليها رحمه محمد رضا عبد المعز ان الوفاه تعزي الي اسفكسيا الضغط على الفم وكتم النفس واسفكسيا الغرق . تبين وجود إصابات بالمجني عليها تشير الى وجود عنف جنائي مقاومة . ان إصابات المجني عليها بالوجنة اليمني والشفة السفلي هي إصابات حيوية حديثة ذات طبيعة ظفرية حدثت من الضغط بالأيدي علي الفم والانف . ان إصابات المجني عليها بالرأس هي إصابات حيوية حديثة ذات طبيعة رضيه احتكاكية حدثت من المصادمة بجسم صلب راض خشن الملمس
وبتوقيع الكشف الطبي علي المذكورة من قبل لم نتبين تمزقات قديمه او حديثه بغشاء البكاره أي ان المذكورة بكر
