تصريحات مطرب المهرجانات مسلم : مشكلة النقابة اتحلت والسبكى "كسفنى"

حل مطرب المهرجانات مسلم ،ضيفا مع الإعلامية ياسمين عز ،العديدمن التصريحات أهمها قرار اعتزاله الغناء.

وقال مسلم خلال : أنا معتزلتش بجد لكن قلت في منشور على انستجرام إني هبعد عشان تعبت نفسيا من الضغوطات بسبب إن نقابة الموسيقيين مكنتش بتديني تصريحات لحفلاتي بسبب شهادة الجيش، ومؤخرًا بحل الأزمة دي وعانيت برضو بسبب احتكار المنتجين ليا وأنا صغير.

وأضاف مسلم: والحمد لله مشكلة النقابة اتحلت بعد ما قدمت في الجيش، وامتنحت في النقابة ونجحت الحمدلله، ومشكلتي اتحلت وحسيت إن الدنيا بدأت تضحكلي.

كشف مطرب اداة الصوتى مسلم، تفاصيل موقف محرج حدث له مع المنتج أحمد السبكي قبل شهرته ورفضه لمساعدته أو السلام عليه.

السبكي مسلمش عليا أول ما قابلته قبل الشهر مديتله إيدي دقيقتين وما سلمش عليا وقالي عايز إيه قولتله أنا مطرب من إسكندرية وكنت بسمع إنك بتساعد الناس وكده، فقالي لا روح غني في إسكندرية واتصدمت بعدها واستغربت ليه عمل معايا كده.

وأضاف مسلم: ودلوقتي ابنه صاحبي جدا وحبيبي وهو دلوقتي ممكن ميعرفش إن أنا نفس الشخص اللي عمل معاه كده.