سر كلمة 5 مواه لـ فيفى عبده

كشفت الفنانة فيفي عبده، عن سرحبها لاستخدام برنامج "سناب شات"،وكلمتها الشهيرة عن كلمة "5 مواه".

وقالت فيفي ، خلال لقائها ببرنامج "صباح العربية": "موضوع 5 مواه، بدأ في سناب شات، أنا أول واحدة دخلته مصر كان وقتها فيس بوك لسه بيقول يا هادي، وكان عندي نسب مشاهدات عالية جدًا.

واضاف فيفى وكنت بحاول أدخل العالم العربي مع مصر وكنت أون لاين كل يوم وبوريهم أنا بعمل إيه في يومي، ونشوني عين وقعدت عيانة لمدة 3 سنين والحمد لله ربنا نجاني منها، وكنت بقول لبنتي إعملي 5 مواه للفانز بتوعي".

وأستكمل فيفى: "بنتي خريجة جامعة أمريكية ومتعرفش عربي أوي، وكنت جايبة ليها مُدرس عربي عشان لازم تعرف دينها، ولكن مكانتش عارفة تكتب 5 مواه، ومن هنا جه علامة إيدي 5 مواه، والناس بتفكر إني بخمس في وشهم، وعملت المصطلحات بتاعتي مع الفانز بتاعي، والعالم كله بقى يتكلم إنجليزي أكن مكنش فيه إنجليزي قبل كده".