رئيس الإدارة الاستراتيجية بالتعليم يطرح أفكارا بـ 20 مليار جنيه !!
طرح سعيد صديق رئيس الادارة المركزية للادارة الاستراتيجية بوزارة التربية والتعليم افكارا لمشروعات اقتصادية يمكن تنفيذها داخل اسوار المدارس باقل التكاليف ويكون ثمارها المادية عالية تصل الي اكثر من 20 مليار جنيه سنويا ..
قال صديق ان هناك 52 الف مدرسة كل مدرسة فيها متوسط 2 مبني باجمالي 104 آلاف مبني له سطوح مليان خشب مكسر وشوية كراكيب ملهاش لازمة. الا عند بتاع البيكيا . يشتريها تجيب ايراد . نفرش الاسطح كلها خلايا شمسية ونخزن كهربتها النظيفة في بطاريات نشغل بيها المدارس واللي يفيض نبيعه او نقايضه بسلعة تانية نكون محتاجينها.
اشار الي انه اذا اتفقنا ان عندنا 104 آلاف سطح غطيناها بالخلايا الشمسية. لو في كل سطح خططنا ممرا واحدا يدخل منه عمال ليعملوا لنا اربع عمدان عليهم اعلان مضيئ بشرط يبقي حاجة تليق بالوزارة. ويتكتب كدا في العقد شرط اساسي. ومزاد ياباشا بين شركات المحمول اللي بين كل اعلان واعلان في التليفزيون بيعملوا اعلان . هيخطفوهم يبقي 104 آلاف اعلان لو كل اعلان جاب 5000 جنيه في الشهر هتبقي الحسبة حوالي 6.3 مليار جنيه تقريبا في السنة
ونشترط علي الشركة المعلنة انها تعرض بين كل اعلان والتاني حكمة في الحياة او صورة لرمز من رموز مصر او مبادرة من مبادرات الدولة. حاجة تكسر جمود الاعلان وتوصل رسالة لها قيمة
اضاف ان 52 الف مدرسة يعني 52 الف سور للمدرسة لو كل ضلع لسور المدرسة كان تقريبا 25 مترا طوليا تبقي المدرسة الواحدة 100متر يبقي معانا اجمالي 5.2 مليون متر طولي لو كل متر اتأجر خارج المدرسة 100 جنيه في الشهر يبقي كمان 6.2 مليار جنيه وضمان ان اللي هيأجر متر خارج المدرسة هيحافظ علي نظافته والاعتناء به ونبقي كدا تخلصنا من كل الباعة الجائلين واكوام القمامة اللي كنا بنشاهدها عند بعض المدارس
استطرد ان ال 5.2 مليون متر طولي . اجمالي اطوال اسوار المدارس لوكل 2 متر اتزرع فيها شجرة مثمرة داخل سور المدرسة يصبح عندنا 2.6 مليون شجرة مثمرة حول أسوار المدارس من الداخل اضف عليها 10شجرات داخل كل حديقة مدرسية باجمالي 520 الف شجرة مثمرة في الحدائق المدرسية شوف بقي محصولهم هيبقي بكام وشوف جمال كمية اللون الاخضر اللي هتبقي موجودة وشوف البيئة هتبقي عاملة ازاي اهو هو دا اللي بيسموه بالاقتصاد الاخضر!!
اوضح اننا بهذا عملنا 20 مليار سنويا تقريبا. تكفي لعمل خطط استراتيجية وتغطية تكاليف الخطط التنفيذية
