أصالة: مصر زي ولادي ومقدرش أنكر فضلها عليّ

ردت الفنانة أصالة على تصريحها المثير للجدل بشأن أن تاريخها الفضل فيه يرجع للملكة العربية السعودية فقط.

وقالت أصالة خلال مداخلة هاتفية ببرنامج الحكاية الذي يقدمه الإعلامي عمرو أديب قائلة: "حفلتي بموسم الرياض من أجمل الحفلات اللى عملتها في حياتي، وأنا من الناس اللى بحب أعبر عن مشاعري، وكنت عمالة أدلع كل شخص موجود بالمسرح، ولكن ما أريد توضيحه والتأكيد عليه بأن علاقتي بمصر ليست محل نقاش، مصر مثل ابنتى شام، مينفعش بنتى تشك في حبي ليها لو دلعت أخوها او اختها".

وأضافت: "اخترت مصر سكني ووطني، ويمكن الملحن حلمي بكر زعل مني علشان مغنتش أغنية له، وعلشان كده انتقدني، وانا باعترف اني قصرت معه الفترة اللى فاتت وقصرت مع كل حبايبي".

وتابعت:"الناس فهموني غلط، مقدرش انكر فضل مصر عليا وغلاوتها عندي، شعوري تجاه مصر زي شعوري تجاه ولادي، بالنسبة لي حياة وطباعي مصرية وأولادي مش بيحكوا اللى مصري، وعندي علاقة فنية وانسانية واجتماعية بكل الناس في الوطن العربي.

واختتمت: "المصريين أهلي وروح قلبي وهما اللى مسكوا ايدي وقووني وحبي لمصر لن يتزعزع ومحدش يقدر يشكك في حبي لمصر، واقول للموسيقار حلمي بكر انت حبيبي وآسفة إني قصرت معاك، وحبي واحترامي للأستاذ مجرد".