وقفت زوجة تشتكي زوجها،في دعوي طلاق للضرر أمام محكمة الأسرة قائله: دا بيخليني أصور نفسي طول الوقت، كنت أفتكر إني بوحشه معرفش أنه مش راجل وبينشرها على مواقع التواصل الاجتماعى ليتحصل منهم على أموال عن طريق إرسالها لبعض الأشخاص ما دعاها للانفصال عنه.

أكملت الزوجة حديثها أمام محكمة الأسرة: البداية اتجوزنا من 3 سنوات ولسه مفيش أطفال ومن سنتين جوزي عمل حادثه خبطته عربية نتج عنها أنه مش هينفع يمشي علي رجله تاني قررت وقتها إن انزل وأشتغل وهفضل في ضهرك"، أشتغلت في عيادة و كنت بصرف أنا علي البيت وبدي جزء منه له عشان ميحسش أنه عاجز فجأة لاقيته بيطلب مني طلبات غريبة جدا زي أني أصور نفسي وأنا بستحمي أو بغير هدومي وكان أوقات كمان يصورني هو وأنا نايمة أو وأنا بنضف الشقة.

تابعت الزوجة، فضلنا وقت طويل علي الحال ده وكنت بعمل كل حاجة بيطلبها اتصوري اتصور عادي مش بقول له لا علشان جوزي أكيد مش أتخيل أنه يعمل بيها أي حاجة، مرة بالصدفة كنت بعمل حاجة علي تليفونه ولقيت واحد باعتله فيديو ليا وبيقوله "مراتك حلوة أوي ما تسلفهاني".

واختتمت: "دا كمان طلع بجح لما واجهته قالي لو مش عاجبك روحي علي بيت أبوكي، قولت له بقي أنا بنزل كل يوم أشقي وأتعب عشان أشيل عنك وفي الآخر تعمل في كل ده ، وعلشان كدة جيت المحكمة أعمل دعوى.