تعرف على أبرز تصريحات المخرج المجري بيلا تار
حل المخرج المجري بيلا تار ضيفا فى ندوة أمس ، التى إقيمت بدار الأوبرا المصرية على هامش مهرجان القاهرة السينمائى ،وكان له العديد من التصريحات .
قال المخرج المجري بيلا تار إنه يرفض استخدام السيناريو في أفلامه، بل يعتمد على المواقف وأدوات الممثل لإنتاج حوار قائم على مشاعر حقيقية وليست مصطنعة، قائلا: "مفيش اي سبب انك تكتب كتير، الحوارات بيتجي من المواقف".
وأضاف بيلا تار: "كل حاجة بتتصور وبتتحط بيكون ليها معنى، أي حاجة جوة إطار الفيلم ليها معنى، ده كان كافي بالنسبالي إني أكون عارف الأدوات اللي هطلع بيها المشهد".
وقال :أن الفيلم ليس قصة تسير بشكل مستقيم، بل تكون قائمة على قصص إنسانية وأحاسيس وعيون بني آدم، ودايما بحط قواعد للفيلم بمشي عليها على سبورة أمامي.
وأستكمل حديثة :شكسبير كان بيناديني أعمل حاجة قريبة، كنت شايف إن أي حاجة مكتوبة كويس حلوة حتى لو مش هستخدمها للتصوير، أنت متقدرش تترجم أنت بتكون عايز تغير.
بيلا تار: بسيب الكاميرا بعد المشهد شغاله عشان ممكن تظهر لقطة كويسة، وده السبب اللي بيخلي مشاهد أفلامي طويلة لأني كنت بفكر في الوقت، وأغلب الصناع بيتجاهلوا الوقت.
وتابع: "لما كنت صغير أوي كنت بشتغل في مكان بيعمل سفن، بس فهمت إزاي الناس بيعيشوا حياتهم، ده سبب من الأسباب اللي تخليني مش عايز أعمل حاجة في التلفزيون؛ لأن معظمهم أكشن وكات.
أنه لا يهتم بأن الممثل الذي يعمل معه محترف أم لا، لكنه يهتم فقط بشخصيته وطريقة تمثيله وتعامله في المواقف، حيث يتعامل مع جميع الممثلين وكأنهم أصدقاء وأنه معهم ويحافظ عليهم.
وتابع: "عشان تجيب احساس قوي من الممثل لازم هو يتعامل بطبيعته مع الموقف".
وأشار: "الناس اللي بتصور ساعتها بيعرفوا هما محتاجين يعملوا إيه، وبيشرحوا للناس هيعملوا إيه، أنا ببتدي أشرح والناس بتعرف هتتحرك إزاي، وأنا ببقى محتاج منهم حاجة وهما محتاجين مني حاجة وبحب المشاهد الطويلة لأنها بتبقى كويسة في الفيلم".
واختتم: "عمل صعب جدا عشان تبقى صانع أفلام عشان تجيب المشاعر، بتاخد من الممثلين المشاعر عشان هما لو حسوا الكلام هيقولوا، وأنت في الحقيقة لما بتقع في موقف بتلاقي مشاعر حقيقة ورد فعل مختلف حسب طبيعتك، ولما بشغل الكاميرا كل ممثل بيصور مشهده على حسب طباعه ومشاعره".
