مخرجة عن ازمة شيرين عبدالوهاب الاخير " سايبة الباب مفتوح"

علقت المخرجة هالة خليل، عن أزمة شيرين عبد الوهاب وحسام حبيب بعد عودتهما للمرة الثانية بعد الانفصال .

كتبت المخرجه عبر صفحتها الشخصية على ال فيسبوك، قائلة : "هل العيب في شيرين عبدالوهاب ولا فينا؟ إحنا اللي جينا لقينا قوالب جاهزة للي يتقال واللي مايتقالش واللي يتعمل في السر واللي يتعمل في العلن ولا غيرناها ولا فكرنا حتي نطورها".

واضافت :"شيرين إنسانة عفوية وبسيطة جعلتها فطرتها لا تمتثل لتلك القوالب، لما بتحب بتقول ولما بتكره بتغضب وبتعلن عن غضبها بالطريقة اللي هي حساها زي كلنا ما بنعمل ولكن في الغرف المغلقة، شيرين إنسانة سايبة الباب مفتوح، ماعندهاش خاص وعام، مش خجلانة من ضعفها أو من أخطاءها لو اعتبرناها أخطاء بمقياس القوالب والمعايير الجاهزة وده غير إنها كمان لايقة جدا على العصر".

وتابعت: "عصر السوشيال ميديا اللي مفيهوش حاجه بتستخبى، واللي بيحط المشاهير دائما في موضع إنكار أو دفاع عن النفس لأن معظم تصرفاتهم أو أقوالهم في الغرف المغلقة أصبحت بتتسرب بسهولة إلى مواقع التواصل الإلكتروني، عصر منفتح الأبواب منزوع السقف".