حزب الريادة يشارك فى ملتقى المعرض الدولى للصناعة

شارك كمال حسنين رئيس حزب الريادة في افتتاح ملتقي المعرض الدولي للصناعة والذى حضرة الرئيس عبد الفتاح السيسي رئيس الجمهورية.

وقال حسنين انه سعيد بمشاركته في افتتاح المعرض الدولي للصناعة الذي افتتحه الرئيس اليوم مشيرا الي ان الرئيس أكد على

، ببذل كل الجهود بهدف إزالة العوائق أمام المستثمرين، قائلا: "الرخصة الذهبية لكل من يتقدم 3 شهور وقال حسنين ان الحزب سوف يولي اهتمامًا كبيرا بالمشروعات الصناعية من خلال التوعيه من خلال أمانات الحزب بالمحافظات وتوضيح الفرصة التي منحها الرئيس ( الرخصة الذهبية) ٣ شهور لتوفيق الأوضاع.

وأضاف كمال حسنين ان الرئيس عبدالفتاح السيسي، أكد على إن هناك الكثير من الأنشطة تحتاج إلى دراسات، معلقا بالقول: "فيه أنشطة بتتعمل محتاجة دراسات لكن فيه حاجات واضحة جدا زى الخامات الدوائية والمعدات اللى بنستوردها، حياة كريمة هيتصرف عليها تريليون جنيه

وأكد حسنين ان الرئيس خلال الملتقى ابدي استعداد الدولة للدخول كشريك مع بعض المستثمرين في مبادرة ابدأ بهدف تشجيع رجال الصناعة، قائلا: "يا اللي هتشتغلوا في ابدأ مستعد أخش معاكم بالنص، مش علشان عاوز أخش معاك، لكن علشان أشجعك إن فيه جزء من المخاطرة الدولة معاك فيها، والهدف أيضا تشجيع رجال الصناعة في مصر، وكل من يحتاج يتحرك معانا إحنا معاك"..

كان الرئيس السيسى قد شهد اليوم إطلاق الملتقى الدولى الأول للصناعة حيث أكد خلال الملتقى أن الأوضاع الحالية لتطوير الصناعات المختلفة تحتاج إلى إجراءات غير تقليدية.

أضاف الرئيس السيسي، خلال كلمته في افتتاح المعرض والملتقي الدولي الأول للصناعة: "البنك يقول للمستثمر طالب التمويل عاوز دراسة الجدوي.. علشان يقدر يمول المشروعات.. والبنك بيطلب طلبات محددة.. المصري هحلها دلوقتي فيما يخص دراسات الجدوي.. فيه قوائم لمشروعات محددة أقرتها التجارة والمالية والبنك المركزي... وبنقول للبنوك المشروعات دي لو سمحت يتم العمل معاها مستعدين نتحمل.. وفق المسار ده لما واعمل 100 مشروع بالطريقة دي.. بطريقة دراسات الجدوي هتاخد 5 سنين .. وتضيع الفرصة 5 سنين.. يمكن بالطريقة دي ياخدوا سنة.. يمكن يكون جواهم 2 أو 3 مش مظبوطين.. مستعد كدولة ادخل لتجاوز موضوع الوقت والخوف لمن يرغب.. علشان نقدر نحقق اللى بتتمناه..

تحدث الرئيس عبد الفتاح السيسي، عن طموحات العمل في القطاع الصناعي، قائلا: "قولت قبل ما أجي النهارده.. اعمل أنا مكتب لإدارة المشروعات الصناعية الجديدة.. واقعد على الحاجة لحد ما تخلص.. وأفضل أقول اعمل اعمل اعمل اعمل.. أقل خسارة وأقل خطورة من أني مش اعمل عقبال ما أدرس وأشوف.. بقول الكلام ده لينا كلنا.. للتجارة والصناعة.

أكد الرئيس عبد الفتاح السيسي، أن الواقع الذى حدث خلال الثلاث سنوات الماضية يتصور البعض أنها أبرزت تحديات وأزمات ولكنها أظهرت لنا فرص نحتاج الاستفادة منها، قائلا: "لما حصل موضوع الصراع التجارى فى العالم بينت أن في تحول كبير حتى في أثناء جائحة كورونا ثم الأزمة الروسية الأوكرانية".

ووجه الرئيس السيسي كلامه لرجال الأعمال والمستثمرين: "لكم كل الدعم من الحكومة والشعب ومن بعضنا من أجل بلدنا وتواصلنا المستمر هيخلينا نشوف أكتر، وأننا نسمع بعض دون اتهامات تعالوا نسمع بعض، وتعالوا نتحرك لمصلحة مصر المشتركة ولسه بدرى وعندنا فرصة كويسة".