والد الفنان حسام حبيب يشرح خطورة المخدرات بعد أزمة شيرين

بعد حذف منشور الهجوم علية

يواصل حسين حبيب - والد الفنان حسام حبيب -، إطلاق تصريحات بعد أزمة شيرين وحسام حبيب .

حيث نشر والد حسام حبيب عبر حسابه الشخصي على موقع التواصل الاجتماعي فيسبوك ، يشرح خطورة المخدرات بصفة عامة، ومخدر الشابو أو كريستال ميث بصفة خاصة.
وحذف والد حسام حبيب التصريحات التى هاجم فيها ابنه حسام حبيب أمس ،عبر صفحته على موقع التواصل الاجتماعى فيسبوك والتى كان يعلق فيه على كلام ابنه بعد تصريحاته النارية مع عمرو أديب.

وكان والد حسام حبيب عبر صفحته على موقع التواصل الاجتماعى فيسبوك أمسى " قال : أنت بتقول لما رجعت ليها العربية واحد بيشتغل معاها أخد العربية اللي بـ 5 مليون وقالها هابقي أديكي بيها شغل وواحد محاسب تعرفه قريب شكالها حاله أعطت له 100 ألف دولار وخلع وأنها بتكتب شيكات للناس على بياض .. أنت كده بتدي مبرر لأهلها ليحجروا عليها وبتطلعها أنها سفيهه وعبيطه وأنا من معرفتي بيها إنها واعية وناصحة بتيجي تكحلها تعميها .. اسأل أبوك يقولك تقول ايه أنت بتقول أنك عمرك ما أخدت منها فلوس وأهلها عايشين على قفاها وأنك ما بتشتغلش أربع سنين كنت عايش على قفا مين!.

وأضاف والد حسام حبيب : هي قالت لي يابابا أنا عايزه أتجوز راجل يصرف عليا وقلتله عايزك تشتغل وتصرف على بيتك عشان تكبر في نظر مراتك وتحترمك الحب وحده لا يكفي اخدت مني مليون جنيه عشان تشطب فيلتك وما تعيش في بيت مراتك وها اردهملك .. ومن ساعة ما اتطلقت وأنا بصرف عليك ورايح تقول لعمرو أديب وتهاجمني لتاني مره أنك ماتعرفنيش من 14سنه .. ما بتعرفنيش إلا للمصلحة وعشان تاخد فلوس وما دخلتش بيتى سبع سنين، وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه بطل حجج وخليك راجل .. أنت فعلا مش تربيتي أنت تربية واحدة ست طلعت من بيت مامي على بيت مراتك يا أخي عرتنا.