حلمى بكر : حسام حبيب برئ وشيرين تتعاطى المخدرات قبل الزواج

فجر الموسيقار حلمي بكر فى تصريحات تليفزيوينة ،عن الازمة الحالية بين الفنانة شيرين عبد الوهاب وحسام حبيب .

وقال "بكر" خلال لقائه مع الإعلامية مروة صبري في برنامج "قعدة ستات": التعاطي يفقد الإنسان أعصابه وتجعل المقام يهتز وفي كذا حفلة بلاقي المقامات عند شيرين تهتز، وشيرين عبد الوهاب في يوم من الأيام كانت عظيمة وكانت هتبقى أعظم لكن دلوقتي اختلفت والفترات اللي كانت فيها عظيمها أيام ماطلعت مع تامر حسني وفي البداية ولما كبرت وغنت في حفلات وحبها العالم العربي كله زي ما أحنا حبناها لكن في الفترة الأخيرة هي خارج التون.

وأضاف الموسيقار حلمي بكر : وشيرين تتعاطى المخدرات قبل ارتباطها بحسام حبيب وأنا بحب شيرين عبد الوهاب جدا ولما حبوا يكرموا شيرين في الأوبرا أنا اللي طلعت على المسرح واديتها الدرع بنفسي وده حب ولما تحب إنسان خليه يعيط ولو قال أي يبقى بيفضحك انتي وبيتهمك انك بتأذيه ولو امتص الألم وأنا بقرصه لمصلحته وابتسم وبص في وشك هتزداد محبة.

تصريحات حسام حبيب

ظهر المطرب حسام حبيب، لاول مرة بعد 4 سنوات للحديث عن ما يحدث للفنانة شيرين عبد الوهاب،ونسرد أهم تصريحاته

حيث قال فى تصريحات تليفزيونية ،إنه لم يحصل على أي أموال من شيرين كما تردد، موضحا أنه كرس لها نظاما لتحافظ على حياتها.وأضاف فى تصريحات تليفزيونية أنهما وصلا لمرحلة الطلاق بسبب رفضها للمحيط الذي تعيش فيها، موضحا أن جميع خلافاتهما كانت لهذا السبب.

وتابع: "أنا بحب شيرين جدا وأعذرها في كل شيء رغم إنها اتكلمت عني بشكل شنيع لكني لم أصرح بأي شيء ضدها

شيرين عبد الوهاب كانت جميلة، حتى تخللها ناس كتير، وناس مقربين جدا جدا، ليهم برضه عند شيرين قيمة، أكيد كلامهم هيبقى مؤثر، ليهم دلالة عليها، وأنا مكنتش راضي عن اللايف ستايل والمحيط، طول الوقت مكانش فيه خناقة غير كده، كنت بقولها يا شيرين لو البني آدم عنده حاجة عاوز يتخلص منها لو عنده عيب عاوز يتخلص منه، مينفعش يبقى قاعد في محيط بيعمل الكلام ده".

لما دخلت فى موضوع المخدرات بدأت بقول، يا أنا يا الموضوع ده؟، لحد ما الموضوع ده بقى أهم مني".

أنه تواصل مع محامي شيرين عبد الوهاب وشرح له ملابسات واقعة نقل شيرين عبد الوهاب للمستشفى.

وأضاق حسام حبيب: "طلب مني أنزل معاه لتحرير بلاغ، مكنش ليا صفة في المحضر، ولكن المحامي قال لي إن الإجراء والأسلوب اللي تم مع شيرين غير قانوني، أنا لو ضمن الطاقم الطبي وجاي أخد مريض وشوفت مطواه مسحوبة قدامي طبعًا هرجع".

وتابع: " أنا كنت في عربيتي قدام المستشفى ولم أخرج منها، ومكنتش واقف قدام المستشفى أو بنادي عليها من بره، الكلام مش هينفع يخش العقل، أنا عرفت وجود شيرين بالمستشفى بالصدفة البحتة من خلال شخص خارج من المستشفى وعرفت من خلال هذا الشخص إن شيرين ممتنعة عن الأكل لـ 4 أيام، وحاولت الانتحار".

واختتم: "الزيارة كانت ممنوعة عن شيرين وعلامات الضرب كانت ظاهرة عليها وشعرها وهدومها مقطعين، منهم لله اللي كانوا السبب، دول خدوا شيرين من سكة لسكة تانية أوحش، الكلام ده مش موجود في ثقافة أهلي، وأنا بعتذر لهم عن اختياراتي، رسائل وشتيمة بتوصلني على تليفوني كل شوية".