حسام حبيب يكشف سر انفصاله عن شيرين: خيرتها بيني وبين المخدرات
كشف الفنان حسام حبيب أنه كان على علم بإدمان طليقته النجمة شيرين عبد الوهاب منذ فترة.
وأضاف فى تصريحات تليفزيونية مع الإعلامي عمرو أديب قائلًا: "مليش علاقة بالموضوع وهو ده كان سبب خلافنا، خيرتها بيني وبين المخدرات، ولكنها ظلت في نفس الوسط، ورفضت السماع لنصيحتي وهذا سبب طلاقنا".
وتابع: بيقولوا إن أنا السبب في اللي شيرين فيه، يبقى المفروض إني ابقى زيها، أنا أهلي عندهم أكبر المستشفيات، هيسيبوني يعني كدة؟ أغلب مشكلاتي مع شيرين كانت بسبب أسلوب حياتها، وعندما ظهر الإدمان في حياتها، قلت لها يا أنا يا الحاجة دي.
وأشار: "منهم لله اللي خدوها دخلوها في سكة تانية أوحش، عشان كدة أنا كنت معترض ومش ممتلك زمام الأمور، مين يصاحبك ومين يدخل، فكان وجودي مالوش لازمة".
واختتم حسام حبيب: أنا مكنش لي علاقة بشيرين طيلة الشهور الماضية، فازاي هوصلها للمرحلة الثالثة من الإدمان في أيام؟ دا تأثير شهور أنا مافيش بيني وبينها تواصل، عشان الناس تفكر.
